На надзіманых санках можна будзе пакатацца гэтай зімой у Віцебску

Пракаціцца на надзіманых санках (цюбах) можна будзе гэтай зімой у Віцебску, паведамілі карэспандэнту БЕЛТА ў аддзеле адукацыі, спорту і турызму гарвыканкама.

"Горкі для цюбінгу будуць уладкаваны каля Віцебскага ЦСК. Цяпер тут вядуцца падрыхтоўчыя работы, ужо закуплена 30 надзіманых санак. Выпрабаваць усе прыгажосці новага для Віцебска віду зімовага адпачынку гараджане - як дзеці, так і дарослыя - змогуць, як толькі прыйдзе сапраўдная зіма і выпадзе снег", - растлумачылі ў гарвыканкаме.

У гарвыканкаме падкрэслілі, што ў абласным цэнтры праведзена арганізацыйная работа па заліўцы катоў і лядовых пляцовак - гэтай зімой іх будзе больш за 50. Цэнтральныя каты размешчаны на плошчы Перамогі і на пляцоўцы каля Летняга амфітэатра (тут жа будзе арганізаваны пракат спартыўнага інвентару), лядовыя пляцоўкі і хакейныя скрынкі размяшчаюцца на тэрыторыях каля школ і дваравых тэрыторый.

У зімовы перыяд у горадзе і яго наваколлі будуць дзейнічаць дзесяць лыжных трас. Асноўныя з іх знаходзяцца ў раёне вучэльні алімпійскага рэзерву, зоны адпачынку поймы ракі Віцьба, стадыёна "Лакаматыў", Палаца спорту па праспекце Будаўнікоў, парку культуры і адпачынку імя Савецкай Арміі.

Падчас зімовых канікул каля галоўнай гарадской ёлкі на плошчы Перамогі будуць арганізаваны спартыўна-масавыя мерапрыемствы.

Алена Ціханава