Пракуратура Віцебскай вобласці адзначае нізкую ролю грамадскіх фармаванняў у выяўленні карупцыі

10 сакавіка, Віцебск /Вольга Багачова - БЕЛТА/. Роля грамадскіх фарміраванняў у выяўленні карупцыйных злачынстваў надзвычай нізкая. Такое меркаванне выказаў сёння на пасяджэнні круглага стала па пытанні барацьбы з карупцыяй пракурор Віцебскай вобласці Генадзь Дыско, перадае карэспандэнт БЕЛТА. Сустракаюцца толькі адзінкавыя выпадкі, калі карупцыйнае злачынства выяўляецца з дапамогай прадстаўнікоў арганізацый БРСМ, прафсаюзаў ці іншых аб'яднанняў. Між тым патэнцыял грамадскіх фарміраванняў значна шырэйшы і задзейнічаць яго неабходна больш актыўна, падкрэсліў пракурор вобласці. У мэтах процідзеяння распаўсюджванню карупцыі супрацоўнікі праваахоўных органаў праводзяць сустрэчы з працоўнымі калектывамі, выступаюць ва ўстановах адукацыі, выступаюць у прэсе. Каб цалкам выкараніць гэтае з'ява, неабходна сфарміраваць у насельніцтва ўстойлівае пачуццё нецярпімасці да карупцыі. Эфектыўнай дапамогай у гэтым можа стаць актыўная падтрымка грамадскіх аб'яднанняў, упэўнены Генадзь Дыско. Такое ж меркаванне выказаў і намеснік начальніка УКДБ па Віцебскай вобласці Ігар Швайба. "Мы заўсёды адкрыты для ўзаемадзеяння", - падкрэсліў ён. У дасягненні гэтай мэты дапаможа выпрацоўка адзінага плана або методыкі па рабоце з насельніцтвам, лічыць Ігар Швайба. У мерапрыемстве прымалі ўдзел кіраўнікі праваахоўных ведамстваў і судоў вобласці, упраўленняў адукацыі, гандлю і паслуг, ідэалагічнай работы і аховы здароўя Віцебскага аблвыканкама, грамадскіх арганізацый, сродкаў масавай інфармацыі.-0-