Пункт мытнага афармлення ў лагістычным комплексе «Брэміна – Орша» пачне працу з 1 сакавіка

 

У красавіку плануецца прыступіць да ўзвядзення другога складскога комплексу класа А. У найбліжэйшых планах таксама адпраўка ў Кітай першага цягніка з вагонаў-рэфрыжэратараў. 

У склад авіятэрмінала ўвойдуць два складскія аб'екты з халадзільнымі камерамі для захоўвання кветак. Агульная плошча збудавання складзе каля 5,3 тыс. кв. м. Нарматыўны тэрмін будаўніцтва — арыенціровачна 12 месяцаў.

Па словах начальніка ўпраўлення мультымадальнага прамыслова-лагістычнага комплексу Уладзіміра Кастеневіча, сёння на тэрыторыі тэрмінала дзейнічаюць фітасанітарная і ветэрынарная службы, праводзіцца сертыфікацыя склада для працы з харчовымі прадуктамі. У красавіку плануецца ўсталяваць нізка- (-18 градусаў) і сярэдне-тэмпературныя халадзільнікі для захоўвання тавараў. 

Акрамя таго, у сакавіку ў «Брэміна-Орша» пачне дзейнічаць пункт мытнага афармлення тавараў, якія ўвозяцца аўтамабільным і чыгуначным транспартам.

Лагістычны аператар прапрацоўвае магчымасць арганізацыі на сваёй базе маркіроўкі тавараў, у тым ліку абутку, якія будуць перамяшчацца на тэрыторыю Расійскай Федэрацыі.

— Мы гатовыя прадастаўляць паслугі поўнага суправаджэння тавараў: ад арганізацыі грузавых месцаў да выпіскі транспартных таварна-суправаджальных дакументаў, — адзначыў Уладзімір Кастеневіч, дадаўшы, што актыўным кліентам лагістычнага аператара з'яўляецца адзін з найбуйнейшых нацыянальных рытэйлераў, з якім наладжана цеснае супрацоўніцтва па апрацоўцы, кансалідацыі і расконсалідацыі грузаў. 

"Віцебскія весці".