Мэта мытнага афармлення «Віцебск-Цэнтральны» напярэдадні Новага года будзе працаваць без выхадных

Напярэдадні Новага года, як правіла, на 20—30 працэнтаў павялічваюцца грузапаток, а таксама перамяшчэнне грамадзян праз мяжу. У сувязі з гэтым Віцебская мытня прадугледзела ўсё, каб тэрміновыя грузы перасякалі мяжу без затрымак і накіроўваліся па прызначэнні. Як паведаміла начальнік аддзела арганізацыі мытнага кантролю Віцебскай мытні Ірына Гарбачэўская, на пункце мытнага афармлення «Віцебск — Цэнтральны» (вуліца Лаза, 114), дзе найбольшая нагрузка, супрацоўнікі будуць працаваць без выхадных, колькасць змен павялічана амаль удвая з арганізацыяй дадатковых працоўных месцаў. Пры ўзнікненні экстранных выпадкаў, як, напрыклад, перамяшчэнне хуткапсавальнага грузу (кветак, садавіны і іншае), работнікі мытні могуць аформіць дакументы па-за працоўным часам, дастаткова звярнуцца ў мытную службу з заявай, дасланай па факсе, або ў электронным выглядзе. Збояў у рабоце Віцебскай мытні, як заўважыла Ірына Уладзіміраўна, не было ні ў навагоднія, ні ў іншыя святы.

Алена БАШУН, "Віцьбічы"