Пункты пропуску «Відзы» і «Мальдэвічы» Віцебскай вобласці атрымаюць статус міжнародных
Забяспечана належнае ўзаемадзеянне тэрытарыяльных органаў памежнай службы і ўнутраных спраў. Падраздзяленні УУС аблвыканкама, АУС памежных раёнаў рэалізуюць мерапрыемствы па выяўленні асоб, датычных да нелегальнай міграцыі, незаконнага перамяшчэння таварна-матэрыяльных каштоўнасцей праз дзяржаўную мяжу, якія парушаюць правілы знаходжання на памежнай тэрыторыі.
Браслаўскі, Верхнядзвінскі, Мёрскі і Пастаўскі РАУС праводзяць маніторынг стану крымінагеннай абстаноўкі, абменьваюцца сутачнымі зводкамі і вынікамі аператыўна-службовай дзейнасці.
Па словах Алега Мацкевіча, у мінулым годзе вялікая ўвага надавалася праверцы законнасці знаходжання замежных грамадзян, прыцягнутых арганізацыямі і індывідуальнымі прадпрымальнікамі да гаспадарчай дзейнасці ў пагранзоне.
Так, у 2018-м праведзена 110 адпрацовак размешчаных у памежнай зоне населеных пунктаў. Як следства – да адміністрацыйнай адказнасці прыцягнуты 122 замежнікі, у дачыненні да двух з іх прыняты рашэнні аб дэпартацыі.
У Віцебскай вобласці прыступілі да рэалізацыі важнай ініцыятывы – змены статусу пунктаў спрошчанага пропуску «Відзы» і «Мольдзевічы» на міжнародны з мэтай арганізацыі праз яго руху легкавых і пустых грузавых транспартных сродкаў.
Аблвыканкамам сумесна з Браслаўскім і Пастаўскім райвыканкамамі і Віцебскай мытняй вызначаны пералік першачарговых мерапрыемстваў і арыенціровачныя затраты на іх выкананне. Інфармацыя накіравана ў Дзяржаўны мытны камітэт Беларусі.
– Праводзілася работа па развіцці і ўдасканаленні інфраструктуры пунктаў спрошчанага пропуску, – паведаміў Алег Сяргеевіч. – Распрацавана праектна-каштарысная дакументацыя па рамонце пункта пропуску «Мольдзевічы», ажыццёўлена замена дзвярных і аконных блокаў, свяцільнікаў і лямпаў на пунктах пропуску «Мольдзевічы» і «Лынтупы». Выдаткі на правядзенне гэтых работ склалі 18 297,39 руб.
Больш за 22 тысячы рублёў на падтрыманне інфраструктуры пункта спрошчанага пропуску «Відзы», выраб і ўстаноўку білбордаў і банэраў накіраваў Браслаўскі райвыканкам. На абнаўленне інфармацыйных знакаў і аншлагаў 5 тысяч рублёў выдзеліў Міёрскі райвыканкам.
Прадпрыемствы РУП «Віцебскаўтадар» вялі работы па ўтрыманні і бягучым рамонце участкаў аўтадарог, якія прымыкаюць да пунктаў пропуску «Грыгораўшчына», «Урбаны», «Мольдзевічы», «Відзы», «Лынтупы», а структурнымі падраздзяленнямі КУП «Віцебскаблдарбуд» – работы па ўтрыманні і рамонце участкаў мясцовых аўтадарог, якія забяспечваюць праезд да пунктаў спрошчанага пропуску «Плюсы» і «Гаўрыліна».
Гаворачы аб задачах на 2019-ы, Алег Мацкевіч адзначыў, што Браслаўскаму райвыканкаму варта актывізаваць работу з інвестарамі па ўводзе ў строй інфраструктуры зоны чакання для ўкаранення сістэмы электроннай чаргі ўезду транспартных сродкаў у аўтадарожны пункт пропуску «Урбаны». Браслаўскаму, Верхнядзвінскаму, Пастаўскаму райвыканкамам неабходна працягнуць планавую работу па падтрыманні і ўдасканаленні інфраструктуры пунктаў спрошчанага пропуску «Відзы», «Плюсы», «Гаўрыліна», «Мольдзевічы», «Лынтупы».
– Бягучы год – год знакавых міжнародных спартыўных мерапрыемстваў у Беларусі і, перш за ўсё, II Еўрапейскіх гульняў, – падкрэсліў Алег Сяргеевіч. – Праз Віцебскую вобласць і з захаду, і з усходу будуць перамяшчацца ўдзельнікі гульняў і заўзятары. Зыходзячы з гэтага, нам неабходна звярнуць увагу і на дарогі, і на стан пунктаў пропуску, і на аб'екты прыдарожнага сэрвісу, і на навядзенне парадку на памежнай тэрыторыі, і на стан грамадскай бяспекі ў цэлым.
Пры гэтым Алег Сяргеевіч акцэнтаваў увагу на фарміраванні актыўнай жыццёвай пазіцыі ў насельніцтва памежнай зоны, якое павінна цесна ўзаемадзейнічаць з органамі мясцовай улады і памежнікамі, своечасова інфармуючы іх аб з'яўленні ў пагранзоне незваных гасцей.
Першы намеснік старшыні Дзяржаўнага пагранічнага камітэта Рэспублікі Беларусь генерал-маёр Ігар Буткевіч, які прыняў удзел у пасяджэнні камісіі, канстатаваў высокі ўзровень узаемадзеяння органаў улады, прадпрыемстваў і арганізацый Віцебскай вобласці з памежнікамі. Падзякаваў усіх за сумесную працу, за разуменне актуальнасці памежнай тэматыкі і тых праблем, якія ўзнікаюць у ходзе забеспячэння пагранічнай бяспекі і аховы дзяржаўнай мяжы і якія даводзіцца аператыўна вырашаць.