Працоўная паездка ў рэгіёны
10 жніўня, Віцебск /Ул.інф./. 8 жніўня 2009 года старшыня Віцебскага аблвыканкама А.М. Косінец наведаў Шумілінскі, Полацкі, Міёрскі, Пастаўскі і Браслаўскі раёны.
Аляксандр Косінец падвергнуў крытыцы раённую выканаўчую ўладу ў пытаннях добраўпарадкавання і навядзення парадку на зямлі. Дадзена распараджэнне ў найкароткія тэрміны прывесці ў парадак прыдарожную паласу, правесці грэйдзіраванне, асфальтаванне вуліц населеных пунктаў, пад'язных шляхоў да мехдвароў, малочна-таварных ферм, да аб'ектаў сацыяльнай сферы. Нездавальняюча арганізавана праца прыдарожнага сэрвісу.
А.М.Косінец даручыў старшыням гаррайвыканкамаў навесці належны парадак у прыгарадзе, у дачных пасёлкамі, на азёрах стварыць пляжы і зоны адпачынку.
Пры правядзенні ўборачнай кампаніі старшыня аблвыканкама зрабіў акцэнт на хуткай і якаснай працы. Для гэтага неабходна ўмацаваць вытворчую дысцыпліну і ўдасканаліць тэхналагічны працэс выканання сельгасработ. Кіраўнікам на месцах варта пільную ўвагу надаваць чарговасці правядзення ўборачнай страды, нарыхтоўцы кармоў, унясенні ўгнаенняў на палі, арандаванні глебы пад новы ўраджай, павелічэнні контурнасці палёў, укараненні інтэнсіўных тэхналогій, інавацыйных біятэхналогій, тэхнічнаму пераўзбраенню галіны, правядзенні азімых пасеваў, павелічэнні прадукцыйнасці працы і аб'ёмаў у два разы. Павінны быць ліквідаваны выпадкі прастою тэхнікі, і галоўная ўвага нададзена чалавеку працы. Пры рэалізацыі гэтых паходаў Віцебшчына павінна і будзе штогод збіраць да 2 млн. тон збожжа.
Неапраўдана нізкімі тэмпамі ідзе будаўніцтва малочна-таварных ферм. На многіх аб'ектах, якія наведаў Аляксандр Косінец, праведзена карэкціроўка графіка работ. Кіраўнікі раёнаў запэўнілі старшыню аблвыканкама аб уводзе першай чаргі малочна-таварных ферм да 20 верасня. Пад асаблівы кантроль мясцовая ўлада бярэ і тэрміны будаўніцтва аб'ектаў сацыяльнай сферы ў аграгарадках вобласці.
Па выніках рабочай паездкі 10 кіраўнікам рознага ўзроўню аб'яўлены дысцыплінарныя спагнанні. Кіраўнікам раёнаў дадзены даручэнні ліквідаваць выяўленыя недахопы.
Прэс-сакратар аблвыканкама
Аляксандр Кліцуноў