Праца зваротамі грамадзян фарміруе ў людзей меркаванне аб уладзе і краіне - Наталля Качанава
На прыём да кіраўніка Адміністрацыі Прэзідэнта
запісаліся больш за 40 чалавек. Сярод іх не толькі жыхары Аршанскага рэгіёну,
прыехалі таксама з Віцебска, Наваполацка, Віцебскага і Лепельскага раёнаў.
"Большасць пытанняў, з якімі людзі прыйшлі на прыём, павінны былі быць
вырашаны на месцах. Мелі месца выпадкі, калі на адно пытанне давалі людзям адказ,
а другое не разглядалі. Праца са зваротамі грамадзян фарміруе ў людзей
меркаванне аб уладзе, кіраўніках і ў цэлым аб краіне, таму спецыялістам трэба
больш уважліва і скрупулёзна да іх ставіцца, бо за праблемамі стаяць
судзьбы людзей", - адзначыла Наталля Качанава.
Па словах кіраўніка Адміністрацыі Прэзідэнта, з
важным пытаннем звярнуўся работнік аднаго з камбінатаў горада. Мужчына
расказаў, што ў яго ўзнік асабісты канфлікт з кіраўніком прадпрыемства, і той
пачаў яму пагражаць, што не прадоўжыць кантракт, ціск аказваўся і на жонку,
якая працуе там жа. Жыхар Воршы дадаў, што яго калегі, ведаючы аб прыёме,
таксама прасілі расказаць аб фактах непаважлівага да іх стаўлення кіраўніка
камбіната. Па словах першага намесніка дырэктара прадпрыемства, прэтэнзій да
зваротнага работніка няма, чалавек працуе 14 гадоў без вымоў. "Аб
сітуацыі ў працоўных калектывах трэба ведаць уладам. Гэтым пытаннем павінны
займацца і грамадскія арганізацыі, прафсаюзы абавязаны падключацца да абароны
правоў работнікаў", - падкрэсліла кіраўнік Адміністрацыі Прэзідэнта. У сваю
чаргу прадстаўнікі праваахоўных органаў паведамілі, што да іх ананімна паступалі
скаргі ад работнікаў камбіната на непаважлівае стаўленне
начальства. Наталля Качанава даручыла кіраўніцтву Аршанскага райвыканкама
высветліць абстаноўку ў калектыве і разабрацца ў праблеме. Жыхарка Воршы
звярнулася па дапамогу ў працаўладкаванні сына-інваліда. Парню 24 гады, працаваўдва гады сантэхнікам, але цяпер з-за процівопаказанняў медыкаў не можа знайсці працу. Інваліду паабяцалі на працягу двух тыдняў падабраць вакансію, якая будзе адпавядаць яго стану здароўя. Яшчэ адна жанчына з Оршы паскардзілася, што не змагла дабудаваць кватэру, але не па сваёй віне. Дагавор на будаўніцтва жылля яна заключыла некалькі гадоў таму з УКБ Аршанскага райвыканкама, але ў арганізацыі не хапіла грошай для ўзвядзення кватэры. Жанчына аббівае парогі розных інстанцый, пакуль безвынікова. Наталля Качанава даручыла разабрацца ў праблеме, вывучыць магчымыя варыянты і дапамагчы жанчыне.
На прыёме грамадзян узнімаліся жыллёвыя і зямельныя пытанні, заяўнікі звярталіся наконт працы ЖКГ, міліцыі, а таксама нявыплаты аліментаў, працаўладкавання, рамонту дарог.