Дзеля забыўлівых мужчын кветкавыя крамы ў Віцебску падаўжаюць працоўны час

Кветкавыя крамы Віцебска з 6 сакавіка перайшлі на святочны рэжым працы, паведаміла карэспандэнту БЕЛТА дырэктар дачэйшага ўнітарнага камунальнага сельскагаспадарчага цяплічнага прадпрыемства "Зеленхоз" Ірына Алфёранак.

На працягу трох дзён, уключаючы 8 сакавіка, восем кветкавых крам прадпрыемства будуць адкрывацца ў 7 і 8 гадзін раніцы - на гадзіну раней, а зачыняцца ў 21 і 22 гадзіны, у той час як у звычайныя дні яны працуюць не даўжэй 19 гадзін. "Гэта для таго, каб нават у самых забыўлівых і занятых мужчын не было апраўдання за адсутны букет", - пажартавала дырэктар.

Выбар кветак у крамах "Зеленхоза" вялікі: зрэзаныя ружы, лілеі, фрэзіі, калы, герберы, цюльпаны, хрызантэмы і гаршковыя гіацинты, прымулы. Кветкаводы гатовыя рэалізаваць 23 тыс. штук руж, 6 тыс. фрэзій, 1 тыс. лілей, 12 тыс. цюльпанаў. Топ самых папулярных узначальваюць ружы, гіацинты і фрэзіі. Па словах Ірыны Алфёранак, цэны на кветкі засталіся на ўзроўні мінулага года. Самую дарагую ружу ў дзяржаўнай кветкавай краме прададуць за Br34 тыс.

"Зеленхоз" мае намер у бягучым годзе працягнуць абнаўленне пасадачнага матэрыялу. У 2012-м у цяпліцах з'явіліся новыя гатункі фрэзій, а ў бягучым годзе будуць высаджаны пяць новых гатункаў руж бэзавага, ружовага і чырвонага колеру.