Рэгулярны аўтобусны маршрут Віцебск - Неапаль плануюць адкрыць ужо сёлета

Тэма, актуальная напярэдадні правядзення ў будучым годзе ў Беларусі чэмпіянату свету па хакеі, была закранута на пасяджэнні змешанай камісіі па міжнародных грузавых і пасажырскіх перавозках, якое нядаўна прайшло ў Рыме. Начальнік упраўлення стратэгічнага развіцця і знешнеэканамічнай дзейнасці Міністэрства транспарту і камунікацый Беларусі Сяргей Негрэй паведаміў, што бакі дамовіліся аб увядзенні маршруту Віцебск — Неапаль на ўмовах бесперапыннага руху па тэрыторыі транзітных краін. Раней беларусы прапаноўвалі вызначыць дзве прыпынкі ў Германіі з адабрэння нямецкіх партнёраў, аднак у Італіі гэту пазіцыю не падтрымалі.

– Маршрут змогуць абслугоўваць на парытэтных умовах прыватныя беларускія і італьянскія аператары, якіх задаволіць выкананне перавозак «пры зачыненых дзвярах», – удакладніў кіраўнік упраўлення, падкрэсліўшы, што транспартныя ведамствы абедзвюх краін пры паступленні адпаведных заявак неадкладна выдадуць дазволы. – Мы разлічваем, што гэта адбудзецца ў бягучым годзе, і чакаем зваротаў ад перавозчыкаў.

Падрыхтавала Алена ПЕТРАВА. «Віцебскі рабочы»