Рэкламна-гумарыстычны фестываль «ЭКА Style» у Віцебску прымусіў задумацца пра сур'ёзнае

Напярэдадні Дня смеху сапраўднае весялосць падарылі Віцебску ўдзельнікі рэкламна-гумарыстычнага маладзёжнага фестывалю. У гэты раз ён атрымаў назву «ЭКА Style» і быў прысвечаны тэме экалагічнай культуры і беражлівых адносін да прыроды. Аказваецца, жартаваць можна і на гэту тэму. Праз гумар прымушалі задумацца аб важным каманды «Доктар Zoiberg» (Віцебская дзяржаўная акадэмія ветэрынарнай медыцыны), «Сфуфырка» (Полацкі дзяржаўны ўніверсітэт) і «Кругом галава» (зборная моладзі Оршы). Кожная з іх уяўляла сабой крэатыўнае рэкламнае агенцтва, якому неабходна было «падарыць гледачам» сваю візітную картку «ЭКА-сістэма», знешнюю рэкламу і гімн чыстай вадзе.

Арганізатарам фестывалю смеху традыцыйна выступіла кампанія «Зебра-прынт» (Мінск) пры падтрымцы абласнога камітэта БРСМ і Віцебскага абласнога камітэта прыродных рэсурсаў і аховы навакольнага асяроддзя.

Вольга МАСЛОЎСКАЯ,«Віцебскі рабочы».