Рэканструкцыя кінатэатра, дарогі і добраўпарадкаванне двароў: Аляксандр Субоцін правёў прыём грамадзян

Пытанні будаўніцтва, ЖКГ, добраўпарадкавання ў гарадскім асяроддзі на асабістым прыёме грамадзян разгледзеў старшыня Віцебскага аблвыканкама Аляксандр Субоцін.

На асабісты прыём да кіраўніка вобласці звярнуліся жыхары Віцебска, Полацкага і Лёзненскага раёнаў.Пажылая віцяблянка расказала старшыні аблвыканкама, што ў яе доме на вуліцы Суворава затапляе склеп, ад чаго ў кватэры становіцца сыра. Таксама яна ўзняла комплекс пытанняў па добраўпарадкаванні ў яе доме і на прыдворавай тэрыторыі, на пешаходнай вуліцы ў гістарычнай частцы горада. Заяўніца звярталася ў гарвыканкам, частка пытанняў вырашана, а па астатніх жанчына прасіла садзейнічання кіраўніка вобласці. Аляксандр Субоцін узяў зварот грамадзянкі на кантроль, а таксама прапанаваў правесці суботнік сумесна з жыльцамі, якія пастараліся б перш за ўсё для саміх сябе.Яшчэ адна жыхарка абласнога цэнтра паскардзілася на дрэнную працу вентыляцыі ў доме на Маскоўскім праспекце. Будынку амаль 50 гадоў, і сур'ёзных праблем да пэўнага часу, са слоў заяўніцы, там не было, пакуль на першым паверсе не з'явілася цырульня. Пры рэканструкцыі памяшкання на першым паверсе не абсталявалі, як сцвярджае жанчына, адасобленую вентыляцыю. Віцяблянка паведаміла, што ў яе кватэру ідуць непрыемныя пахі. Кіраўнік вобласці даручыў абследаваць кватэру, высветліць і ліквідаваць прычыны непрыемных пахаў.Жыхаркі віцебскага мікрараёна Арэхава, прадстаўленага ў асноўным прыватнай забудовай, расказалі пра нездавальняючы стан дарог і непрацуючыя сістэмы камунікацый. Жанчыны адзначылі, што з-за ям на дарогах шматдзетныя мамы не могуць вадзіць дзяцей у дзіцячы сад і школу, па другасных вуліцах немагчыма праехаць. Старшыня Віцебскага гарвыканкама Генадзь Сабыніч расказаў, што ў мікрараёне з дапамогай помпаў адпампуюць ваду, а затым будуць запускаць сістэму водазабеспячэння і водаадвядзення. Плануецца, што ў мікрараёне будуць завершаны работы ў трэцім квартале гэтага года, а ўжо ў бліжэйшы месяц-два пачнецца будаўніцтва неабходных каналаў, калі тэхніка зможа зайсці на падсушаны грунт. Аляксандр Субоцін

узяў пытанне на асабісты кантроль.Жыхар Віцебска звярнуўся з пытаннем заканчэння рэканструкцыі аб'екта на праспекце Будаўнікоў. У старым будынку ён з сынам плануе аднавіць кінатэатр "Брыганціна" ў былым выглядзе. Мужчына шукаў падтрымку ў абласной улады і хацеў даведацца, ці патрэбны гораду кінатэатр, які рэканструюецца ўжо тры гады за сродкі ўладальніка. Кіраўнік вобласці адзначыў, што кінатэатр з якасным гукам і ў густанаселеным мікрараёне патрэбны, тым больш што многія гараджане ўжо ўздымалі гэтае пытанне, бо ў двух існуючых аналагічных аб'ектах культуры на кінасеансы часам немагчыма дастаць квіткі, асабліва ўсёй сям'ёй.