Рэспубліканскія спаборніцтвы МНС па лыжных гонках стартуюць у Віцебску 14 студзеня

13 студзеня, Віцебск /Сяргей Кочатаў - БЕЛТА/. Рэспубліканскія спаборніцтвы па лыжных гонках сярод гарадскіх і раённых аддзелаў Міністэрства па надзвычайных сітуацыях стартуюць 14 студзеня ў Віцебску з удзелам каля 40 спартсменаў, паведамілі карэспандэнту БЕЛТА ў прэс-службе абласнога ўпраўлення МНС. У абласным цэнтры збяруцца наймацнейшыя гоншчыкі з усіх рэгіёнаў краіны, большасць з якіх адстойваюць гонар і абласных упраўленняў. Таму маючыя адбыцца гонкі стануць своеасаблівым пралогам да выніковага старту сезона - чэмпіянату МНС сярод абласных упраўленняў, які пройдзе таксама ў Віцебску 25-28 студзеня. Пасля ўрачыстага адкрыцця спаборніцтваў спартсмены выйдуць на старт пяцікіламетровай гонкі ў індывідуальным заліку, а 15 студзеня пройдзе эстафета 4х5 км. Аб узроўні маючага адбыцца спаборніцтва сведчыць і той факт, што большасць удзельнікаў першынства маюць званні майстроў спорту і кандыдатаў у майстры спорту па розных відах. Леташнім пераможцам у камандным і асабістым заліках - Чашніцкаму РАТС і супрацоўніку аддзела Уладзіславу Радчанку - давядзецца ў няпростых умовах (высокі ўзровень канкурэнцыі і моцны мароз) пацвярджаць тытул наймацнейшых лыжнікаў міністэрства. Прадстаўнікі гаррайаддзелаў МНС разыграюць агульнакамандны кубак, а пераможцы і прызёры ў асабістым заліку будуць узнагароджаны медалямі, дыпломамі і атрымаюць каштоўныя падарункі.-0-