Шэраг прэферэнцыяў прадугледжвае падпісаны Прэзідэнтам указ аб развіцці Аршанскага раёна
У праграму ўключаны мерапрыемствы, накіраваныя на вырашэнне ключавых праблем Аршанскага раёна. Яе мэта – стварэнне ўмоў для комплекснага сацыяльна-эканамічнага развіцця рэгіёна, павышэнне якасці і ўзроўню жыцця насельніцтва, стымуляванне прадпрымальніцтва, рост даходаў мясцовага бюджэту. Для гэтага плануецца рэалізаваць шэраг эканамічных, фінансавых, падатковых, адміністрацыйных і стымулюючых мер.
Так, на тэрыторыі раёна ўстанаўліваецца асаблівы рэжым падаткаабкладання як для новых, так і для дзейных суб'ектаў гаспадарання: прадпрыемствы будуць вызвалены ад выплаты ПДВ пры ўвозе тэхналагічнага абсталявання, зніжаюцца стаўкі падатку пры спрошчанай сістэме падаткаабкладання да 1%, памяншаюцца адлічэнні на пенсійнае страхаванне, а адтэрміноўка (растэрміноўка) па выплаце падаткаў будзе адбывацца без налічэння працэнтаў за яе выкарыстанне.
Акрамя таго, у праграме прадугледжаны меры для развіцця інвестыцыйнай дзейнасці. Напрыклад, для аператыўнага прыняцця рашэнняў права на распараджэнне неефектыўна выкарыстоўваемай маёмасцю, якая знаходзіцца ў рэспубліканскай форме ўласнасці, прадастаўляецца Аршанскаму райвыканкаму.
На тэрыторыі раёна дазваляецца прымяненне будаўнічых і тэхнічных нормаў, устаноўленых у ЕС, ЕАЭС і КНР, з правядзеннем дзяржаўных экспертыз праектнай дакументацыі без яе адаптацыі да дзеючых нарматываў.
Пры стварэнні або пашырэнні вытворчасцей прадпрыемствы раёна вызваляюцца ад пакрыцця страт сельскагаспадарчай і лесагаспадарчай вытворчасцей, а таксама ад кампенсацыйных выплат кошту выдаляемых аб'ектаў расліннага свету.
Для дадатковага раскрапошчвання дзелавой ініцыятывы ў Аршанскім раёне адбудзецца далейшае упарадкаванне праверачнай дзейнасці, а таксама дэкрыміналізацыя эканамічных рызык.
Так, да 31 снежня 2023 года уводзіцца мараторый на правядзенне выбарачных праверак, а для пазапланавых праверак вызначаецца выключны пералік выпадкаў іх правядзення.
Акрамя таго, прадугледжваецца мінімізацыя выпадкаў утрымання пад вартай абвінавачаных і падазроных у здзяйсненні эканамічных злачынстваў на карысць мер стрымання, не звязаных з ізаляцыяй ад грамадства.
Асобныя палажэнні ўказа накіраваны на матэрыяльнае стымуляванне працы кадраў шляхам сувязі ўзроўню заработнай платы кіраўнікоў арганізацый і дзяржслужачых з вынікамі выканання праграмы развіцця Аршанскага раёна.
Прадугледжваецца зняцце абмежавання па каэфіцыенце суадносін заработнай платы кіраўніка і сярэдняй зарплаты па арганізацыі. Найбольш эфектыўныя меры па развіцці Аршанскага раёна будуць у наступным распаўсюджаны на іншыя рэгіёны рэспублікі і створаць аснову комплекснага плана мерапрыемстваў па іх развіцці.