Рок-маратон "Наваполацк – горад без наркатыкаў" пройдзе 5 верасня

Наваполацкі рок-марафон дае магчымасць пачуць моладзь і даведацца пра яе захапленні. Такім меркаваннем падзяліўся старшыня Наваполацкай гарадской арганізацыі рэспубліканскага грамадскага аб'яднання "Белая Русь", намеснік старшыні Пастаяннай камісіі Палаты прадстаўнікоў па ахове здароўя, фізічнай культуры, сямейнай і маладзёжнай палітыцы, старшыня Беларускай федэрацыі лёгкай атлетыкі Вадзім Дзевятоўскі.

Рок-марафон "Наваполацк - горад без наркатыкаў" пройдзе 5 верасня. На працягу сямі з паловай гадзін на галоўнай плошчы горада будзе гучаць жывая музыка ў выкананні калектываў, якія прадстаўляюць розныя стылі.

Свята року падчас акцыі "Музычныя вечары "Белай Русі" стала добрай традыцыяй горада нафтавікоў (праводзіцца з 2010 года). "Папулярнасць мерапрыемства расце, сёлета назіраўся сапраўдны ажыятаж на ўдзел - заяўкі падалі больш за 50 гуртоў з розных рэгіёнаў краіны, а таксама Расіі. Прадаставіць магчымасць выступіць усім мы не можам, таму адбіраем лепшых, у гэту суботу на цэнтральнай плошчы горада выступяць 18 калектываў, стартуе марафон жывога гуку пад адкрытым небам у 15.30", - сказаў Вадзім Дзевятоўскі. Ён таксама дадаў, што канцэрты року накіраваны на падтрымку таленавітай моладзі, яны "матывуюць творчае развіццё гуртоў, якія канкуруюць паміж сабой за права выступіць і такім чынам удасканальваюцца".

Дзень року ў пачатку восені - гэта яшчэ і своеасаблівы падарунак гораду да пачатку навучальнага года. "Наваполацк горад універсітэцкі, а рок - адзін з любімых маладзёжных музычных напрамкаў. Таму мерапрыемства запатрабаванае і чаканае не толькі выканаўцамі, але і публікай. Гэта сапраўднае свята для прыхільнікаў року і прыхільнікаў жывой музыкі", - адзначыў суразмоўца.

Па словах арганізатара, мерапрыемствы такога роду цікавыя не толькі моладзі, яны карысныя і для дарослага публікі. "Мы павінны чуць моладзь, ведаць пра яе захапленні, разумець, чым жывуць маладыя людзі, пра што мараць, што іх хвалюе", - сказаў палітык.

Штодзённы вечар року ў нафтаградзе традыцыйна праходзіць пад дэвізам "Наваполацк - горад без наркотыкаў". І гэта не проста слоган, а прынцыповая пазіцыя арганізатараў і гарадскіх уладаў, якую падтрымліваюць удзельнікі канцэрту - яны кажуць пра шкоду наркотыкаў, засцерагаючы моладзь ад эксперыментаў над сваім здароўем.

Алена Ціханава, БЕЛТА.