Расіянка атрымае ад віцебскай міліцыі ўзнагароду за дапамогу ў вышуку забойцаў

5 чэрвеня, Віцебск /Дзіяна Курыло - БЕЛТА/. Грамадзянка Расіі атрымае сёння ад віцебскай міліцыі ўзнагароду за дапамогу ў вышуку забойцаў. Цырымонія адбудзецца ў прыгранічным з Расіяй Лёзненскім раёне, паведаміў карэспандэнту БЕЛТА намеснік начальніка Наваполацкага гарадскога аддзела ўнутраных спраў Уладзімір Шэнбель. Студэнтка аднаго са смаленскіх ВНУ 20-гадовая Ганна Калакольцава на выхадныя прыехала дадому ў вёску Узгоркі Руднянскага раёна Смаленскай вобласці. Катаючыся на веласіпедзе па наваколлі, яна выявіла пашпарт грамадзяніна Беларусі і перадала яго афіцыйным уладам. Па словах Уладзіміра Шэнбеля, менавіта гэта стала адпраўной кропкай у вышуку двух злачынцаў, якія забілі кіроўцу таксі з Наваполацка і выкралі яго машыну. Сёння, калі Ганна зноў прыедзе дадому пасля навучальнага тыдня, яе прывязуць у Лёзна, каб урачыста ўручыць падзяку начальніка УУС Віцебскага аблвыканкама, грашовую прэмію і каштоўны падарунак ад Наваполацкага ГАУС. Як паведамлялася раней, у раскрыцці цяжкага злачынства супрацоўнікам наваполацкай міліцыі таксама дапамагалі калегі забітага таксіста. Усе яны таксама заахвочаны кіраўніцтвам УУС і ГАУС. Пракуратура працягвае следства. Падазроныя ў забойстве арыштаваныя.-0-