Расейскі інвэстар рэалізуе праект па вытворчасьці кампазытнай арматуры ў Полацку
Генеральны дырэктар дадзенага прадпрыемства Яўгеній Мацвееў прымае ўдзел у дзевятым Міжнародным эканамічным форуме, які праходзіць 2-3 снежня ў Віцебску:
- На форуме ў Віцебску мы прадстаўляем свой завод і вядзём перамовы наконт арганізацыі сумеснай вытворчасці з прадпрыемствам «Полацк-Стёклавалакно». У нашых планах – сумесны інвестпраект па вытворчасці кампазітнай арматуры. Гэта інавацыйны прадукт, які складае выгадную альтэрнатыву традыцыйным сталёвым стрыжням, якія выкарыстоўваюцца ў розных канструкцыях і збудаваннях. Першапачатковы аб'ём інвестыцый складзе больш за 50 млн расійскіх рублёў.
Па словах Яўгенія Мацвеева, да гэтага часу партнёрам засталося завяршыць афармленне юрыдычнай часткі, пасля чаго адразу ж яны пяройдуць да тэхнічнага блока. Праца над ім ужо вядзецца. Плануецца, што да канца сакавіка 2022 года першая частка інвестпраекта будзе ажыццёўлена. Выпуск прадукцыі на пачатковай стадыі на двух лініях складзе 200 тысяч кіламетраў у месяц. Да канца года ён прагназуецца на ўзроўні 1 млн кіламетраў за кошт пашырэння вытворчых магутнасцей.
У адпаведнасці з праектам будуць створаны новыя працоўныя месцы. Штат складзе каля 20 работнікаў. У попыце на прадукцыю інвестар не сумняваецца:
- Яна знойдзе сваё прымяненне ў Беларусі, Расіі, а таксама будзе запатрабавана ў Еўропе.
У Віцебску сёння адкрыўся двухдзённы Міжнародны эканамічны форум. Яго ўдзельнікамі сталі больш за 30 бізнес-дэлегацый, прадстаўнікі дыпламатычнага корпуса з 15 краін.
Сёлета ўпершыню на форуме з мэтай павелічэння колькасці ўдзельнікаў мерапрыемстваў і з улікам эпідэміялагічнай сітуацыі шэраг мерапрыемстваў праходзіць у анлайн-фармаце. Віртуальная выстава суб'ектаў гаспадарання Віцебскай вобласці і замежных партнёраў будзе ажыццяўляць сваю працу на працягу года, аж да наступнага Форуму. Па выніках наведвання віртуальных і вочных выставачных экспазіцый, удзельнікам і гасцям Форуму прадастаўлена магчымасць зносін у віртуальных кабінетах В2В па розных тэматыках. Па выніках працы панэльных дыскусій удзельнікі форуму праводзяць перамовы ў пяці кабінетах па напрамках дзейнасці: Прамысловасць. Будаўніцтва. Сельская гаспадарка. Турызм. Адукацыя.
