Расонскі і Полацкі раёны ўвайшлі ў маршрут гісторыка-патрыятычнай піцерскай дэлегацыі па мясцінах воінскай славы Расіі і Беларусі

Карэтэж з аўтобусаў і легкавых аўтамабіляў сустракалі на расонскай зямлі, адразу пасля мяжы з Расіяй. Госці з-за снежнай завірухі, якая заспела іх у дарозе, крыху затрымаліся, а Беларусь іх прывітала сонцам, што выглянула, запальныя песнямі і цёплымі словамі, якія на правах гаспадара прамовіў старшыня райвыканкама Аляксандр Шубскі. Прымаючы ад кіраўніка раёна хлеб-соль, дэлегацыя адправілася ў Клясціцы.

Спынку у гэтым аграгарадку расійская экспедыцыя, у якую ўвайшлі кіраўнікі 5 муніцыпальных утварэнняў Петраградскага раёна паўночнай сталіцы, дэпутаты, ветэраны воінскай службы і працы, педагогі і школьнікі (усяго больш за 90 чалавек),  запланавала першапачаткова. Клясціцы і Санкт-Пецярбург звязваюць гісторыі дзвюх войнаў –  Айчыннай 1812 года і Вялікай Айчыннай 1941 – 1945-х.

Больш за 200 гадоў таму тут адбыўся жорсткі бой, у якім прыняло баявое хрышчэнне створанае Кутузавым Пецярбургскае апалчэнне, разам з дзеючай арміяй атрымаўшае перамогу над французамі і спыніўшае прасоўванне ворага на сталіцу Расійскай імперыі.

Бітва пад Клясціцамі ўвайшла ў летапіс баявых подзвігаў расійскіх войскаў, тут праславіў сябе загінулы за Айчыну генерал-маёр Якаў Кульнеў. Аб гэтых падзеях распавядае экспазіцыя мясцовага школьнага музея, пра які ведаюць не толькі ў нашай рэспубліцы, але і далёка за яе межамі.

Нямала піцерскіх салдат загінула за вызваленне Беларусі ў гады Вялікай Айчыннай, у боях за расійскія гарады загінулі смерцю храбрых ураджэнцы Расоншчыны. Сёння ў Клясціцах пражывае два чалавекі, якія дзецьмі перанеслі блакаду Ленінграда.

– Кожны раз, прыязджаючы ў Беларусь, мы адзначаем, з якой павагай у вашай краіне адносяцца да гісторыі, да подзвігу народа, які абараніў сваю краіну і ад французаў, і ад фашыстаў, – адзначыў старшыня Савета ветэранаў Петраградскага раёна Санкт-Пецярбурга, генерал-маёр Віктар  Шчарбакоў.

Віктар

Ивановіч не раз сам бываў на Віцебшчыне, у тым ліку ў Клясціцах, і вазіў сюды дэлегацыі з Расіі. Менавіта ён стаў ініцыятарам цяперашняй патрыятычнай акцыі, прысвечанай 72-й гадавіне Перамогі савецкага народа ў Вялікай Айчыннай вайне.

– Гэта ўжо наша дзявятая паездка па гістарычных мясцінах Расіі, Беларусі і Украіны. У год 70-годдзя пачатку Вялікай Айчыннай вайны мы былі ў Брэсце, на гэты раз вырашылі наведаць Клясціцы, Полацк, Хатынь, Мінск, пабываць на «Лініі Сталіна», у музеі гісторыі Вялікай Айчыннай вайны, – расказаў Віктар Шчарбакоў.

У склад дэлегацыі, як падкрэсліў яе кіраўнік, увайшлі самыя годныя – вучні, якія праявілі сябе: пісалі патрыятычныя вершы, праводзілі музейныя экскурсіі, працавалі валанцёрамі. А пасля паездкі яны выступяць у сваіх вучэбных установах і падзеляцца ўражаннямі. У ліку першых будзе аповяд пра сустрэчу са аднагодкамі на гасціннай россонскай зямлі.

На мітынгу, які адбыўся на мемарыяльным комплексе, прысвечаным Айчынным войнам 1812 і 1941-45 гадоў, Аляксандр Шубскі гаварыў пра россонскі край, пра райцэнтр, які сёлета будзе адзначаць 465-годдзе, пра ўзнагароджанне гарадскога пасёлка вымпелам за мужнасць і стойкасць, праяўленыя ў гады Вялікай Айчыннай, пра захаванне гістарычнай памяці.

Кіраўнік расійскай дэлегацыі Віктар Шчарбакоў уручыў кіраўніку раёна падзячны ліст старшыні Заканадаўчага сходу Санкт-Пецярбурга Вячаслава Макарава, у якім адзначаецца уклад мясцовых улад у развіццё дружалюбных адносін Беларусі і Расіі.

Наступны прыпынак члены патрыятычнай экспедыцыі зрабілі ў Полацку, дзе наведалі памятныя мясціны старажытнага беларускага горада, адзначыліся ля знака, які абазначае цэнтр Еўропы, прынялі ўдзел у мітынгу на плошчы Свабоды.

Таццяна Пастэрнак. Фота Антона Сцяпанішчава. «Віцебскія весці».