Кіраўніцтва Віцебскай вобласці накіравала жыхарам рэгіёну віншаванне са Святам працы

Паважаныя жыхары вобласці!

Дарагія сябры!

Віншуем вас са Святам працы!

Гэты дзень увасабляе салідарнасць працоўных розных пакаленняў, сімвалізуе згуртаванасць у імкненні да міру, стабільнасці, дабрабыту, устойлівага развіцця Рэспублікі Беларусь. Праца заўсёды была і застаецца галоўнай рухаючай сілай цывілізацыі, яна напаўняе наша жыццё сэнсам і зместам. Чалавек працы з'яўляецца найвялікшай каштоўнасцю і апорай беларускай дзяржавы.

Сёння мы вырашаем складаныя задачы інавацыйнага развіцця рэгіёну, рэалізацыі прагрэсіўных ідэй ва ўсіх сферах дзейнасці, аддаём даніну павагі тым, хто самааддана працуе, робячы жыццё багацейшым, выхоўваем у нашых дзецях павагу да чалавека працы. Толькі разам мы здольны адказаць на выклікі часу і стварыць канкурэнтаздольную эканоміку.

У гэты святочны вясновы дзень жадаем усім моцнага здароўя, шчасця, новых працоўных здзяйсненняў і мірнага неба над галавой.

 

З павагай,

 

А.М.Субоцін,                                                Д.В.Дзямідаў,

старшыня                                               старшыня 

Віцебскага абласнога                             Віцебскага абласнога 

выканаўчага камітэта                     Савета дэпутатаў