Кіраўніцтва Віцебскай вобласці віншуе жыхароў Віцебшчыны з абласным святам "Дажынкі-2024"
Паважаныя жыхары і працаўнікі вёскі вобласці!
Полацк – сталіца «Дажынак – 2024» гасцінна сустракае залаты фонд аграпрамысловага комплексу Віцебшчыны: рэкардсменаў хлебнай нівы, дасведчаных спецыялістаў, таленавітых кіраўнікоў. Гэты свята — своеасаблівы гімн хлебу, даніна прызнання заслуг тых, хто яго вырошчвае і збірае.
У гэтым годзе ўклад сельскагаспадарчых арганізацый вобласці ў рэспубліканскі каравай склаў 873,5 тысяч тон збожжа і рапсу, што на 243,5 тысяч больш за леташні вынік. Абсалютным лідарам па валавым зборы збожжа стаў Аршанскі рэгіён, намалаціўшы больш за 100 тысяч тон хлеба.
Жніво паказала: лепшыя вынікі ў тых, хто шырока выкарыстоўвае дасягненні аграрнай навукі, прымяняе сучасныя тэхналогіі, высокаўраджайныя сарты культур, працуе на высокапрадукцыйнай тэхніцы.
Шчырыя словы падзякі выказваем сельскім працаўнікам, гараджанам, навучэнскай моладзі, кіраўнікам арганізацый – усім тым, хто падстаўляе плячо аграрнаму сектару і ад каго залежыць канчатковы вынік у атрыманні сельскагаспадарчай прадукцыі.
Ад усёй душы жадаем вам, дарагія сябры, здароўя, міру, святочнага настрою і слаўных здзяйсненняў на карысць нашага краю!
|
З павагай, |
|