РУПП "Віцебскхлебпрам" завершыць у I квартале рэалізацыю двух буйных праектаў

Рэспубліканскае унітарнае вытворчае прадпрыемства "Віцебскхлебпрам" завершыць у першым квартале рэалізацыю двух буйных праектаў, паведаміў карэспандэнту БЕЛТА галоўны інжынер прадпрыемства Аляксандр Каралёў.

Праект коштам Br25 млрд. рэалізуецца на тэрыторыі цэха №1 у Віцебску. Тут пабудаваны дадатковы цэх па вытворчасці экструдаваных сухарыкаў, булачных вырабаў і тоставага хлеба. Магутнасць чэшскага абсталявання складае каля 1 т прадукцыі ў суткі. У цэху вядуцца пусканаладачныя работы, завяршыць якія плануецца да канца першага квартала. Паралельна выпушчана доследная партыя прадукцыі, якая праходзіць лабараторныя выпрабаванні.

У аналагічныя тэрміны трэба завяршыць інвестпраект на Верхнядзвінскім хлебазаводзе, пачаты ў 2012 годзе. На гэтым філіяле вядзецца маштабная рэканструкцыя цэха хлебабулачных вырабаў з заменай тэхналагічнага абсталявання. З гэтай мэтай былі закуплены новая лінія па выпуску сушак магутнасцю 100 т у месяц, сучасная газавая печ чэшскай вытворчасці, раздзелачнае абсталяванне. Цяпер на прадпрыемстве праходзяць комплексныя індывідуальныя выпрабаванні кожнай адзінкі тэхнікі. Прыступіць да пусканаладачных работ плануецца ў пачатку сакавіка. Інвестыцыі гэтага года на завяршэнне праекта складуць Br200 млн. Агульны кошт праекта - Br2,5 млрд.

Праграма тэхнічнага пераўзбраення РУВП "Віцебскхлебпрам" на 2013 год уключае таксама іншыя мерапрыемствы, звязаныя з закупкай новага абсталявання, транспарту і рэканструкцыяй на філіялах прадпрыемства. Агульны аб'ём інвестыцый у асноўны капітал складзе каля Br9,9 млрд. "Рэалізацыя гэтых мерапрыемстваў будзе спрыяць павышэнню прадукцыйнасці працы, зніжэнню ўзроўню энерга- і матэрыялаёмістасці і адпавядае мэтам, пастаўленым перад вытворцамі ў сувязі з аб'яўленнем 2013 года Годам беражлівасці", - адзначыў Аляксандр Каралёў.

За студзень прадпрыемствы РВУП "Віцебскхлебпрам" выпусцілі прадукцыі на Br40,5 млрд., або 148% да студзеня 2012 года. Хлебабулачных вырабаў выраблена 4,1 тыс. т, кандытарскіх - 157 т (103,3% да ўзроўню студзеня мінулага года). У Расію экспартавана хлебабулачных і кандытарскіх вырабаў на $149,3 тыс. (адпаведна 138,7%). Рэнтабельнасць продажаў па выніках 2012 года склала 7,4%. Паказчык па энергазберажэнні - мінус 9,6%. Аб'ём інвестыцый за мінулы год дасягнуў Br44 млрд. Асноўная частка сродкаў была накіравана на набыццё новага абсталявання для філіялаў.

РВУП "Віцебскхлебпрам" аб'ядноўвае 2 цэхі і 3 вытворчыя ўчасткі ў Віцебску, на правах філіялаў у склад уваходзяць 10 хлебазаводаў у раённых цэнтрах Віцебскай вобласці: Браславе, Верхнядзвінску, Глыбокім, Докшыцах, Лепелі, Міёрах, Навалукомлі, Наваполацку, Оршы і Полацку. У склад прадпрыемства ўваходзяць СМП "Віцебскхлеббуд", СПП "Пражэктар", і сетка магазінаў фірменнага гандлю: "Хлеб", "Свежы хлеб", "Хлебсэрвіс", "Каравай Прыдзвiння", "Духмяны хлеб".