З 15 ліпеня па Віцебскай вобласці пачаўся пашыраны гандаль школьнымі таварамі

Па словах начальніка аддзела нехарчовых тавараў упраўлення гандлю і паслуг аблвыканкама Ларысы Набешка, больш чым 100 куткоў першакласніка аформлены ў крамах потребсоюза, у гандлёвых прадпрыемствах праходзяць выставы-продажы і акцыі, дзе-нідзе нават дэманстрацыі мадэляў. Многія крамы гандлююць таксама праз выносныя палаткі. Да сезону закуплена дастатковая колькасць асартыменту адзення, абутку, канцылярскіх тавараў і іншых школьных прыналежнасцей. Напрыклад, толькі ў Віцебскім універмагу прадстаўлена больш за 50 мадэляў касцюмаў для хлопчыкаў. І, дарэчы, у гэтым гандлёвым аб'екце ўжо пачаўся перыяд актыўных продажаў адпаведнай наменклатуры.

- Зрэшты, асноўную нагрузку на гандаль мы чакаем у жніўні. На гэты ж месяц, 17 і 24 чысла, запланаваны школьныя кірмашы ва ўсіх райцэнтрах, а таксама ў Віцебску і Наваполацку, - заключыла Ларыса Набешка.

Кацярына Князева, «Віцебскія весці»