Самага трапнага стралка выберуць у Полацкім раёне напярэдадні Дня абаронцаў Айчыны

17 лютага, Віцебск /Дзіяна Курыло - БЕЛТА/. Дакладнае вока і цвёрдая рука павінны адрозніваць сапраўднага мужчыну, вырашылі ў Полацкім райвыканкаме і запрасілі паляўнічых напярэдадні Дня абаронцаў Айчыны прадэманстраваць сваё майстэрства ў стральбе з паляўнічай стрэльбы. На стрэльбішчы каля вёскі Фарынава 21 лютага пройдзе адкрыты чэмпіянат раёна "Полацкі стралок", расказалі карэспандэнту БЕЛТА ў аддзеле ідэалагічнай работы Полацкага райвыканкама. Ідэя прыйшлася па душы не толькі полацкім стралкам (у раёне налічваецца 700 паляўнічых - членаў Беларускага таварыства паляўнічых і рыбаловаў), але і іх калегам з паляўнічых гаспадарак і лясгасаў вобласці. Ужо шэсць лясгасаў даслалі свае заяўкі на ўдзел у гэтым турніры, выклік прынялі і вядомыя прыватныя паляўнічыя гаспадаркі "Лебядзінае" і "Скіф". Паляўнічым трэба будзе паразіць дзве мішэні: "беглы кабан" і "стаючая касуля". Па выніках стральбы будуць названы пераможцы ў камандным і індывідуальным заліках. Арганізатары спаборніцтваў паклапаціліся і пра заўзятараў: іх чакаюць вясёлыя гульні і сюрпрызы ад мясцовай потребкооперации.-0-