Сеанс зоатэрапіі прайшоў у Богушэўскім доме-інтэрнаце

Сеанс зоатэрапіі прайшоў у Богушэўскім доме-інтэрнаце для дзяцей з асаблівасцямі псіхафізічнага развіцця, паведаміла дырэктар заапарка Ірына Арлова.

Сеанс зоатэрапіі прайшоў у Богушэўскім доме-інтэрнаце для дзяцей з асаблівасцямі псіхафізічнага развіцця, паведаміла карэспандэнту БЕЛТА дырэктар заапарка Ірына Арлова.

Незвычайны навагодні падарунак арганізаваў сёння Віцебскі заапарк сумесна з абласной газетай "Віцебскія весці" і тэлерадыёкампаніяй "Віцебск" для выхаванцаў Богушэўскага дзіцячага дома-інтэрната ў Сенненскім раёне. Мецэнаты прывезлі не толькі святочнае прадстаўленне, прысмакі і развіваючыя гульні, але і правялі сеанс зоатэрапіі - далі магчымасць дзецям, у тым ліку цяжкім ляжачым хворым і тым, хто не выходзіць за межы ўстановы, пагутарыць з янотападобным сабакам і харкамі. А на развітанне падарылі дому-інтэрнату пару хвалістых папугайчыкаў - дзеці прыйшлі ў захапленне ад новых сімпатычных і "размоўных" гадаванцаў.

Акрамя таго, у гэты ж дзень, 24 снежня, у самым Віцебску стартаваў асноўны этап гарадскіх мерапрыемстваў у рамках акцыі "Нашы дзеці" з удзелам кіраўніцтва адміністрацый раёнаў, прадстаўнікоў гарадскіх і абласных органаў улады. Напрыклад, павіншаваць і ўручыць падарункі вучням і выхаванцам Віцебскай спецыяльнай агульнаадукацыйнай школы-інтэрната для дзяцей з парушэннем слыху прыехаў намеснік старшыні аблвыканкама Уладзімір Церанцьеў і кіраўнік адміністрацыі Першамайскага раёна Мікалай Арлоў. Дабрачынны ранішнік арганізаваны сёння для выхаванцаў спецыяльнага дзіцячага садка №18 для дзяцей з цяжкімі парушэннямі мовы. Свята каля ёлкі правядуць і для маленькіх выхаванцаў дзіцячага дома Віцебска. Мэр горада Віктар Мікалайкін уручыць установе бытавую тэхніку.

Усяго падчас акцыі "Нашы дзеці" Віцебскі гарвыканкам падорыць больш за 4 тыс. прэзентаў дзецям-інвалідам і дзецям з шматдзетных сем'яў, паведамілі ў аддзеле адукацыі, спорту і турызму. "Традыцыйна так склалася, што гарвыканкам бярэ на сябе віншаванне гэтай катэгорыі, а аблвыканкам адорвае дзяцей-сірот. Акрамя таго, далучаюцца раённыя адміністрацыі, спонсары і шэфы, так што агульную суму ўкладзеных у падарункі сродкаў можна будзе падлічыць толькі па заканчэнні акцыі. Гарвыканкам выдзеліў каля Br174 млн", - растлумачылі ў аддзеле.

Навагоднія візіты ў дзіцячыя ўстановы з падарункамі працягнуцца. 29 снежня адбудуцца дабрачынныя ранішнікі ў прытулку Віцебскага дзяржаўнага сацыяльна-педагагічнага цэнтра і абласным спецыялізаваным доме дзіцяці.

Кацярына Князева