Цэнтральная плошча ператварылася ў кіназалу, а возера – у люстэрка мінулага. У Сянне адзначылі 575-годдзе горада
Свята пачалося ля галоўнай славутасці райцэнтра – крыніцы «Каплічка», якая выцякае з-пад Замкавай гары і папаўняе возера Сенненскае.
Адбылося тэатралізаванае прадстаўленне, якое распавядае пра даўнія часы і легенды горада. На стылізаваных лодках па возеры праплылі міфічны Цмок, які абараняў горад у старажытнасці, мастак-вандроўнік Напалеон Орда, які захаваў на сваіх карцінах Сенна пачатку ХІХ ст.
На беразе возера напярэдадні свята ўзведзена капліца, дзе будзе захоўвацца абраз святой Матроны Маскоўскай.
Затым удзельнікі ўрачыстасцей накіраваліся калонай на цэнтральную плошчу. Вітаючы жыхароў і гасцей горада, старшыня райвыканкама Васіль Чараднік адзначыў, што разам з усёй краінай Сенненшчына прайшла вялікі і слаўны шлях, на ўсіх этапах уносячы годнае ўкладанне ў станаўленне і развіццё дзяржавы.
Афіцыйнай датай узнікнення Сенна лічыцца першае згадванне ў 1442 годзе ў дакументах Вялікага Княства Літоўскага часоў праўлення князя Казіміра. У розныя эпохі Сенненшчына ўваходзіла ў склад Рэчы Паспалітай, Расійскай імперыі, з 1777-га па 1924 год горад з'яўляўся цэнтрам вялікага павета Магілёўскай губерні.
У гады Вялікай Айчыннай вайны тут адбылася найбуйнейшая танкавая бітва. Сем уроженцаў Сенненшчыны, якія адстойвалі незалежнасць роднай зямлі, удастоены звання Героя Савецкага Саюза – Пётр Машэраў, Аляксандр Гаравец, Сяргей Каваленка, Іван Камінскі, Аляксей Мацюшэў, Аляксандр Бедаковіч, Іван Тамашэўскі.
Сенненшчына дала краіне нямала выдатных дзеячаў культуры, сярод іх паэты Тадэуш Лада-Заблоцкі, Алесь Жаўрук і Анатоль Велюгін, народная артыстка Беларусі Зінаіда Канапелька, скульптар Заір Азгур. Тут у пачатку ХХ ст. у маёнтку Беліца пачынаў паэтычны шлях вялікі песняр беларускага народа Янка Купала.
Свой уклад у гісторыю дзяржавы зрабіла простая сялянка з Сенненскага раёна Матрёна Маркевіч, стварыўшы вышыўку, якая лягла ў аснову арнаменту на дзяржаўным флагоў Рэспублікі Беларусь.
За апошнія гады ў раёне нямала зроблена для людзей. Знамянальным быў 2016-ы, калі Сенна прымала абласныя “Дажынкі”. Пры падрыхтоўцы да свята горад кардынальна пераўтварыўся, стаў больш камфортным для пражывання, працы і адпачынку. І зараз працягваецца добраўпарадкаванне, вядзецца рэканструкцыя цэнтральнай раённай бальніцы.
Васіль Чарадонік падзякаваў усім жыхарам, якія добрасумленным працай уносяць уклад у развіццё роднага краю.
Прама на плошчы быў падпісаны дагавор аб супрацоўніцтве паміж Сенненскім раёнам і Порхаўскім раёнам Пскоўскай вобласці. Раней падобныя пагадненні былі заключаны з Песчанакопскім раёнам Растоўскай вобласці і Пачынкаўскім раёнам Смаленскай.
Васіль Чарадонік і кіраўнік Порхаўскага раёна Пскоўскай вобласці Валерый Усанёў пасля падпісання дагавора аб супрацоўніцтве
Развіццё партнёрскіх сувязей датычыцца эканомікі, гандлю, культуры, сацыяльнай сферы. Далучыўся да віншаванняў сенненцаў з юбілеем горада першы намеснік старшыні аблвыканкама Алег Мацкевіч.
Святочнае шэсце ўключала парад дзіцячых калясак. Асаблівую цікавасць гледачоў выклікала канструкцыя Яўгена і Марыны Плаксуновых. На выраб каляскі-танка для свайго сына Святаслава мужа і жонка выдаткавалі тры дні.
Яўген і Марына Плаксуновы з сынамі Святаславам, Данілам і пляменнікам Платонам падчас параду дзіцячых калясак
Майстэрства рукапашнага бою прадэманстравалі байцы 19-й механізаванай брыгады з Заслонава Лепельскага раёна. На працягу дня перад жыхарамі і гасцямі горада выступалі самадзейныя і прафесійныя артысты, у тым ліку Акадэмічны ансамбль песні і танца Узброеных Сіл Рэспублікі Беларусь. Увагу прыцягнуў ВІА «Судьба». Дарэчы, Алег Мацкевіч у маладосці граў у гэтым калектыве на рытм-гітары.
На тэматычных пляцоўках былі прадстаўлены фотапраект «Сянно: мінулае і сучаснасць», «Горад майстроў», «Вясёлка здароўя». На «Бібліятэчным бульвары» размясцілася выстава літаратуры пра Сянненшчыну, паэты чыталі вершы пра родны край.
У свяце ўдзельнічалі клубы гістарычнай рэканструкцыі з Віцебска
Артысткі ансамбля «Вечарынка» пусцілі ў скокі старшыню Сенненскага раённага Савета дэпутатаў Міхаіла Вілюгу і дырэктара «Віцебскгандальбуда» Мікалая Акуловіча
Свае прафесійныя навыкі дэманстравалі супрацоўнікі МНС, мотакросмены ДТСААФ, ахвотныя маглі здзейсніць палёт над горадам на верталёце Віцебскага аэраклуба.
Пасля святочнага феерверка адбылася дэманстрацыя відэафільма «Бітва пад Сянно», знятага кінематаграфістамі з Санкт-Пецярбурга. Велізарны экран быў вывешаны на фасадзе райвыканкама, і цэнтральная плошча на паўгадзіны ператварылася ў глядзельную залу.
Сяргей Ляшук. Фота Антона Сцяпанішчава. "Віцебскія весці".