Сяргей Нарышкін: права на суверэннае развіццё мы будзем адстойваць

Дзеянні заходніх краін у дачыненні да Расіі і Беларусі з'яўляюцца агрэсіўнымі, але Расія, як і Беларусь, будзе адстойваць сваё права на суверэннае развіццё. Пра гэта заявіў на сустрэчы з кіраўніцтвам Камітэта дзяржбяспекі Беларусі дырэктар Службы знешняй разведкі Расійскай Федэрацыі Сяргей Нарышкін.

Сёння адбылося 20-е сумеснае пасяджэнне калегіі Камітэта дзяржаўнай бяспекі Рэспублікі Беларусь і Службы знешняй разведкі Расійскай Федэрацыі.

Пасля сустрэчы з кіраўніцтвам Камітэта дзяржбяспекі Сяргей Нарышкін адказаў на пытанні журналістаў. Адзін з іх тычыўся абмежаванняў і санкцый у дачыненні да Расіі і афіцыйнага Мінска. "Мы ацэньваем дзеянні заходніх краін як агрэсіўныя акцыі, акцыі, якія прадпрымаюцца па-за межамі міжнароднага права. Павінен сказаць, што ў Расійскай Федэрацыі нашымі грамадзянамі гэтыя дзеянні ўспрымаюцца надзвычай негатыўна. Сярод нашага насельніцтва расце непрымальнасць такой палітыкі заходніх краін. Я думаю, што падобныя з'явы адбываюцца і ў беларускім грамадстве. Гэта ўсё элементы гібрыднай вайны, агрэсіўныя дзеянні. Таму што тэрмін "недружалюбныя крокі" - вельмі мяккі. Гэтыя агрэсіўныя дзеянні накіраваны супраць суверэнітэту нашых краін, і мы з гэтым мірыцца не будзем. Мы стаім цвёрда на пазіцыях абароны агульначалавечых каштоўнасцей, якімі даражым, і што б ні здарылася, сваё права на суверэннае развіццё, на выбар свайго самабытнага шляху развіцця мы будзем абараняць і гэтаму прытрымлівацца", - падкрэсліў Сяргей Нарышкін.

БЕЛТА.