Школа маладых лідараў прыгранічных раёнаў Беларусі і Расіі сабрала ў Смаленску больш за 100 удзельнікаў

Прадстаўнікі Віцебскай, Магілёўскай, Гомельскай абласцей Беларусі, а таксама Смаленскай, Пскоўскай, Бранскай, Калінінградскай абласцей Расіі прынялі ўдзел у дыскусійных пляцоўках, майстар-класах па такіх актуальных тэмах, як «PR тэхналогіі ў рэалізацыі праектаў», «Развіццё праектаў у сетцы Internet», «Інсайты аратаўскага мастацтва», абмеркавалі праграмы прымежнага маладзёжнага супрацоўніцтва дзвюх краін.

У межах форуму моладзь Віцебшчыны прыняла ўдзел у патрыятычнай акцыі «На славу агульнай Перамогі». Беларусам была перададзена капсула з зямлёй з месца пахавання Героя Савецкага Саюза Міхаіла Ягорава, які ўзвёў Сцяг Перамогі над рэйхстагам.

Заключным акордам мерапрыемства стала падпісанне Плана рэалізацыі сумеснай дзейнасці паміж маладзёжнымі арганізацыямі БРСМ і РСМ. Таксама было падпісана пагадненне аб супрацоўніцтве паміж Віцебскай абласной арганізацыяй БРСМ і Калінінградскай рэгіянальнай арганізацыяй РСМ.

– Школа маладых лідараў прымежных рэгіёнаў Беларусі і Расіі – унікальны праект, – падкрэсліў першы сакратар Віцебскага абласнога камітэта БРСМ Вячаслаў Хрол. – Наша галоўная мэта – кансалідаваць моладзь на карысныя справы, разам памятаць подзвіг дзядоў і прадзедаў, арганізоўваць праекты, патрэбныя для моладзі. Дасягнуты дамоўленасці аб правядзенні маладзёжнага адукацыйнага форуму на Кургане Дружбы ў Верхнядзвінскім раёне. Мы вырашылі крыху змяніць праграму і дадаць якасныя адукацыйныя складнікі, творчыя конкурсы і, вядома ж, спорт. У моладзі сёння трэнд на адукацыю, і мы гатовы яго ўсяляк падтрымліваць.

"Віцебскія весці".