Моцны вецер абясточыў больш за 200 населеных пунктаў на Віцебшчыне

У Віцебскай вобласці 4 лістапада з-за моцнага ветру адбыліся аварыйныя адключэнні электразабеспячэння ў 203 населеных пунктах 4 раёнаў – Глыбоцкага, Віцебскага, Полацкага і Аршанскага.

Па стане на 13.30, з 203 населеных пунктаў застаюцца без электраэнергіі 70. З 25 ферм электразабеспячэнне адноўлена на 22. З 408 трансфарматарных падстанцый застаюцца абясточанымі 121. Пашкоджаны 34 лініі электраперадач, з іх на 11 электразабеспячэнне адноўлена.

Найбольш сур'ёзныя наступствы моцны вецер прынёс у Глыбоцкім і Полацкім раёнах.

У цяперашні час вядуцца аднаўленчыя работы, усяго для падключэння электразабеспячэння задзейнічана 89 адзінак тэхнікі і 312 чалавек, паведамляе прэс-служба Віцебскага абласнога ўпраўлення МНС.