Сістэма адукацыі павінна рэалізаваць на практыцы прынцып адукацыі на працягу ўсяго жыцця

Сістэма адукацыі павінна працаваць над якаснай рэалізацыяй на практыцы прынцыпу адукацыі на працягу ўсяго жыцця. Пра гэта паведаміў у Віцебску першы намеснік міністра адукацыі Вадзім Богуш, які прыняў удзел у абласной педагагічнай жнівеньскай канферэнцыі.

"Сістэма адукацыі павінна працаваць над рэалізацыяй на практыцы прынцыпу адукацыі на працягу ўсяго жыцця. Цяпер ва ўсім свеце назіраецца патрэба ў высокакваліфікаваных спецыялістах, у эканоміцы заняты людзі з высокім узроўнем адукацыі. У любога спецыяліста ёсць пастаянная патрэба ў павышэнні кваліфікацыі. Наша задача - гэты прынцып якасна рэалізаваць на практыцы. Калі чалавек не працуе над сабой і не навучаецца, то ў прафесіі дастаткова хутка сябе зжывае", - падкрэсліў першы намеснік міністра.

На абласных жнівеньскіх канферэнцыях, якія цяпер праходзяць па ўсёй краіне, прадстаўнікі профільнага міністэрства разам з педагогамі і органамі ўлады абмяркоўваюць напрамкі руху сістэмы адукацыі. "У першую чаргу гаворым аб пераходзе да профільнай адукацыі ў старэйшых класах. Гэта новаўвядзенне гэтага года, хоць і не абсалютна інавацыйная рэч. Ёсць шмат напрацовак у рэспубліцы, і вялікая папярэдняя праца праведзена. Мы нацэлены на тое, каб укараняць профілі абгрунтавана, узважана і з улікам пажаданняў і магчымасцей педагагічных калектываў, дзяцей і бацькоў па рэалізацыі асобаснага развіцця", - адзначыў Вадзім Богуш.

Алена Ціханава, БЕЛТА.