Сітуацыя і шляхі зніжэння напружанасці на рынку працы разгледжаны ў Расонскім раёне

У рабоце круглага стала прынялі ўдзел прадстаўнікі Міністэрства працы і сацыяльнай абароны, камітэта па працы, занятасці і сацыяльнай абароне Віцебскага аблвыканкама, камітэта эканомікі Віцебскага аблвыканкама, Расонскага раёнавыканкама, арганізацый. 

Падчас работы  круглага стала разгледжаны  бягучыя праблемы Расонскага раёна, як тэрыторыі з напружанай сітуацыяй на рынку працы, уключанай у пералік на 2021 год, прынятыя меры па паляпшэнні сітуацыі ў раёне, абмеркаваны пытанні па забеспячэнні  эфектыўнай занятасці на рынку працы.

У студзені-маі 2021 г.:

на пастаянную працу працаўладкавана 83 чалавекі, з іх 68 беспрацоўных;

арганізавана часовая занятасць у выглядзе аплатных грамадскіх работ для 12 чалавек;

1 беспрацоўнаму выдадзена субсідыя для арганізацыі уласнай справы;

на навучанне накіраваны 5 беспрацоўных – усе ”пад заказ“ наймальніка з гарантыяй працаўладкавання.

Узровень зарэгістраванай беспрацоўнасці па раёне на 1 чэрвеня 2021 г. склаў 0,4 працэнта.

Каэфіцыент напружанасці на рынку працы раёна на 1 чэрвеня 2021 г. – 0,1 беспрацоўнага на адну вакансію. 

Узровень працаўладкавання беспрацоўных – 70,1 працэнта.

У ходзе мерапрыемства ўдзельнікі наведалі ТАА ”ПРБ індастры“, сельскагаспадарчае унітарнае прадпрыемства ”Здрава“, ТАА ”Бабровая хата“, абмеркавалі перспектывы развіцця арганізацый, узаемадзеянне службы занятасці і наймальнікаў па камплектаванні кадрамі.