Зніжэнне падатковай нагрузкі дазволіць прадпрыемствам Віцебскай вобласці ў 2012 годзе накіраваць на развіццё больш Br200 млрд.

27 сакавіка, Віцебск /Дзіяна Курыло - БЕЛТА/. У выніку зніжэння падатковай нагрузкі ў 2012 годзе суб'екты гаспадарання Віцебскай вобласці змогуць накіраваць больш за Br200 млрд. на развіццё вытворчасці, паведамілі карэспандэнту БЕЛТА ў камітэце эканомікі Віцебскага аблвыканкама. У выніку ўдасканалення падатковага адміністравання парогавыя значэнні валавой выручкі для арганізацый малога і сярэдняга бізнесу, якія пашыраюць магчымасці прымянення спрошчанай сістэмы падаткаабкладання, узраслі з Br3,1 млрд. да Br12 млрд. Стаўка падатку на прыбытак зніжана з 24% да 18%, рэалізаваны механізм пераносу страт мінулых гадоў на прыбытак бягучага года, праведзена замена механізму прамога льгатавання прыбытку на фінансаванне капітальных укладанняў механізмам паскоранай амартызацыі асноўных сродкаў, уведзена сістэма электроннага дэкларавання. У выніку гэтых змяненняў суб'екты гаспадарання змогуць накіраваць больш за Br200 млрд. на развіццё вытворчасці, стварыць новыя працоўныя месцы, што дасць дадатковыя падатковыя адлічэнні ў бюджэт. -0-