СААТ «Ферэйн» наладзіць выпуск лекаў у Беларусі ў першай палове 2010 года

4 снежня, Віцебск /Дзіяна Курыло - БЕЛТА/. Сумеснае адкрытае акцыянернае таварыства "Ферэйн" наладзіць выпуск лекавых прэпаратаў у Беларусі ўжо ў першай палове 2010 года, паведаміў сёння карэспандэнту БЕЛТА старшыня канцэрна "Белбіяфарм" Міхаіл Чарапок. Ён прымаў удзел у пасяджэнні рабочага штаба па будаўніцтве фармацэўтычнага прадпрыемства "БелВітуніфарм" у Віцебску. Мяркуецца, што СААТ "Ферэйн" будзе выпускаць ампульныя формы, ін'екцыйныя прэпараты той лінейкі прэпаратаў, якая існуе на расійскім рынку. "Спачатку будзе дубліраванне, а затым пашырэнне вытворчасці", - сказаў Міхаіл Чарапок. На прадпрыемстве, якое створана на базе УП "Дыялек", перададзенага маёмасным комплексам СААТ "Ферэйн", ужо ўстаноўлена абсталяванне на суму прыкладна $24 млн. Хіміка-фармацэўтычны завод "Ферэйн" ЗАТ "Брынцалаў-А" (Расійская Федэрацыя) вырабляе высокаэфектыўныя медыцынскія прэпараты, у тым ліку сардэчна-сасудзістыя і антыбіётыкі. Якасць прадукцыі пацверджана сертыфікатам адпаведнасці патрабаванням GMP.-0-