Парламентарыі Саюзнай дзяржавы на пасяджэнні ў Оршы разгледзяць нарматыўнае забеспячэнне бюджэтнага працэсу
У прыватнасці, на пасяджэнні плануецца разгледзець планы дзейнасці рабочай групы па распрацоўцы нарматыўных дакументаў, якія рэгулююць бюджэтны працэс Саюзнай дзяржавы. Дэпутаты абмяркуюць таксама ролю бізнесу ў развіцці эканомікі рэгіёнаў на прыкладзе Аршанскага раёна Віцебскай вобласці, супрацоўніцтва раёна з рэгіёнамі Расіі, патэнцыял і далейшае развіццё беларуска-расійскай памежнай тэрыторыі, падрыхтоўку праектаў праграм Саюзнай дзяржавы, у тым ліку канцэпцыі праграмы "Інавацыйнае развіццё ільнокамплексаў Расіі і Беларусі".
Падчас візіту ў Оршу саюзныя парламентарыі наведаюць прадпрыемствы, якія з'яўляюцца дзяржаўнымі заказчыкамі - каардынатарамі і выканаўцамі праграм Саюзнай дзяржавы: Аршанскі льнокамбінат, станкабудаўнічы завод "Чырвоны бальшавік", прадпрыемства "ЛІНПАК Пекіджынг іст" і Аршанскі мясакансервавы камбінат.
Акрамя таго, дэпутаты маюць намер наведаць некаторыя аб'екты гісторыка-культурнай спадчыны з мэтай прапрацоўкі прапаноў па стварэнні сумеснaга турыстычнага маршруту Саюзнай дзяржавы. Акрамя парламентарыяў, у пасяджэнні камісіі прымуць таксама ўдзел прадстаўнікі Пастаяннага камітэта Саюзнай дзяржавы, міністэрстваў фінансаў Беларусі і Расіі, кантрольных органаў, Міністэрства сельскай гаспадаркі РФ, Аршанскага раёнісполкома, адміністрацыі Смаленскай вобласці, Нацыянальнай акадэміі навук Беларусі, Беларускага дзяржаўнага канцэрна па нафце і хіміі і рэгіянальнага бізнесу.