Саўгас імя П.М.Машэрава носіць імя свайго земляка

Дзяржаўнае прадпрыемства «Саўгас імя П.М.Машэрава» Сенненскага раёна Віцебскай вобласці носіць імя свайго земляка.

Пётр Міронавіч нарадзіўся ў тутэйшых мясцінах - у вёсцы Шыркі, што за 9 кіламетраў ад цэнтра саўгаса. Тут прайшло яго дзяцінства, у вёсцы Машканы ён вучыўся ў школе. Сёння саўгас – адно з вядучых гаспадарак раёна. Цэнтральная сядзіба гаспадаркі вёска Машканы стала аграгарадком. На яе тэрыторыі пражывае звыш 1000 чалавек. Для іх тут створаны ўсе ўмовы: школа на 250 месцаў, музычная школа, дзіцячы сад на 75 месцаў, Дом культуры, бібліятэка, урачэбная амбулаторыя, гандлёвы цэнтр і многае іншае.

У гаспадарцы шануюць памяць аб сваім земляку. У мясцовай школе разгорнута экспазіцыя, прысвечаная П.М.Машэраву.

 

 

 

 

 

 

 

 

На здымку: дырэктар мясцовай школы Худавердзі Куліеў дзеліцца ўражаннямі аб сустрэчы з П.М.Машэравым.

Фота Аляксандра Хітрова, БелТА.