Стварэнне СП можа спрыяць павелічэнню таваразвароту паміж Беларуссю і Казахстанам - А.Смірнов

25 лютага, Віцебск /Дзіяна Курыло - БЕЛТА/. Стварэнне супольных прадпрыемстваў можа спрыяць нарошчванню таваразвароту паміж Беларуссю і Казахстанам. Такую думку, адказваючы на пытанне карэспандэнта БЕЛТА, выказаў Надзвычайны і Паўнамоцны Пасол Рэспублікі Казахстан у Рэспубліцы Беларусь Анатоль Смірноў. Ён прымае ўдзел у рабоце міжнароднага інвестыцыйнага форуму, які 25-26 лютага праходзіць у Віцебску. Адносіны Беларусі і Казахстана ў апошні год значна актывізаваліся. Максімальны таваразварот паміж дзвюма дзяржавамі складаў $570 млн, аднак ужо ў найбліжэйшы час можа дасягнуць $3 млрд. Для гэтага існуюць усе перадумовы, упэўнены пасол. На тэрыторыі Казахстана дзейнічаюць каля 30 СП. У Кустанайскай вобласці на сумесным беларуска-казахстанскім прадпрыемстве ў 2009 годзе ўпершыню выпушчана 78 камбайнаў, у Семіпалацінску схадзілі з канвеера каля 700 трактароў, у Паўладары таксама пачало працаваць супольнае прадпрыемства з МТЗ. У Заходне-Казахстанскай вобласці віцебскае ААТ "Малако" адкрыла адно супольнае прадпрыемства і завяршае работы па стварэнні другога такога ж вытворчасці. Акрамя таго, на тэрыторыі Казахстана дзейнічаюць шэсць гандлёвых дамоў. Як лічыць Анатоль Смірноў, падобныя праекты будуць спрыяць выхаду з фінансава-эканамічнага крызісу эканомік дзвюх краін. Акрамя таго, Казахстан з'яўляецца добрай пляцоўкай для беларускіх прадпрыемстваў па прасоўванні сваёй прадукцыі на рынкі Цэнтральнай Азіі і Кітая. Далейшы этап развіцця эканамічных адносін павінен пераходзіць на міжрэгіянальны ўзровень.-0-