Стварэнне замкнёнага цыклу вытворчасці ў АПК дазволіць нам канкурыраваць на рынках – Мікалай Шарснёў

Кіраўнік вобласці адзначыў высокі прафесіяналізм калектыву птушкафабрыкі. "Нягледзячы ні на якія праблемы, вы дакладна выбудавалі мадэль развіцця свайго прадпрыемства, разумееце, да чаго ідзеце, і бачыце перспектыву. Літаральна за некалькі гадоў у Віцебскім раёне дзякуючы птушкафабрыцы змяняецца сітуацыя на вёсцы, будуюцца новыя малочна-таварныя і збожжасушыльныя комплексы, працуе камбікормавы завод. За кошт гэтага выбудоўваецца тэхналогія будучай сучаснай вёскі, ствараюцца працоўныя месцы", - адзначыў губернатар.

Мікалай Шарснёў паставіў у прыклад Віцебскую бройлерную птушкафабрыку кіраўнікам прадпрыемстваў і інтэграцыйных структур вобласці. "Завод развіваецца практычна як інтэграцыйная структура. Толькі стварыўшы ў АПК замкнёны цыкл вытворчасці ад поля да прылаўка, мы зможам канкурыраваць на знешнім і ўнутраным рынках. Птушкафабрыка гэта паказвае", - сказаў старшыня аблвыканкама. Губернатар таксама завастрыў увагу на важнасці выбудоўвання і выканання тэхналогіі вытворчасці ва ўсіх галінах сельскай гаспадаркі.

У Віцебскім і Лёзненскім раёнах прайшоў абласны семінар па інвестыцыйнай праграме развіцця ААТ "Віцебская бройлерная птушкафабрыка". У ім прынялі ўдзел кіраўніцтва вобласці, прадпрыемстваў, інтэграцыйных структур рэгіёну і спецыялісты сельгасгаліны. Удзельнікі семінара наведалі аб'екты птушкафабрыкі, азнаёміліся з будаўніцтвам сучасных агракамплексаў, а таксама адкрылі цэх племянных маладнякоў і збожжасушыльны комплекс.

БЕЛТА.