Спектакль «Несцерка» тэатра імя Я. Коласа – 75! Яго прэм’ера адбылася 18 мая 1941 года…

Наступную суботу, 21 мая, коласаўцы пакажуць пастаноўку, якая стала візітнай карткай тэатра і не сыходзіць са сцэны ўжо 75 гадоў, – «Несцерку». Прэм’ера адбылася 18 мая 1941-га на гастролях у Петразаводску. За мінулыя гады ў спектаклі было задзейнічана некалькі пакаленняў акцёраў. Галоўную ролю ў свой час ігралі народныя артысты СССР Аляксандр Ільінскі і Фёдар Шмакоў, народны артыст Беларусі Яўген Шыпіла.

Так супала, што сёлета, калі тэатр святкуе сваё 90-годдзе, адзначаюцца юбілеі знакавага спектакля і яго стваральнікаў. У прыватнасці, 125-годдзе з дня нараджэння рэжысёра-пастаноўшчыка, заслужанага дзеяча мастацтваў, лаўрэата Дзяржаўнай прэміі СССР Наўма Лойтэра, 115-годдзе з дня нараджэння аўтара п’есы Віталя Вольскага і 110-годдзе – вядомага беларускага кампазітара Ісаака Любана, які напісаў музыку да «Несцеркі».

Таццяна Пастэрнак, «Віцебскія весці».