Спецыялісты мамналагічнага цэнтра, створанага ў Віцебску, плануюць абслугоўваць вяскоўцаў на месцах

Мамалагічны цэнтр на базе Віцебскага абласнога дыягнастычнага цэнтра аб'яднаў кабінеты ультрагукавой дыягностыкі, рэнтгенаўскай і электраімпеданснай мамаграфіі, аперацыйную, а таксама прыём анкалагічных мамалагаў. Вузкая накіраванасць службы дазволіць больш дэталёва і комплексна ажыццяўляць дыягностыку, лячэнне і прафілактыку розных захворванняў малочных залоз.

– Злаякасныя пухліны малочнай залозы развіваюцца на працягу шэрагу гадоў, і выяўляюць іх нямала ў запушчаных формах. Ва ўсім свеце б'юцца над гэтай праблемай, – акцэнтуе ўвагу анкалагічны хірург Сяргей Канаплёў. – Улічваючы, што ўстанова мае асноўныя метады дыягностыкі захворвання, а гэта рэнтгенаўская і электраімпедансная мамаграфія, ультрагукавыя даследаванні на апаратах высокага экспертнага класа, на яго базе і быў створаны мамалагічны цэнтр. Яго задача – выяўляць рак на ранніх стадыях, калі можна зрабіць органазберагальную аперацыю, не звяртаючыся да выкарыстання апрамянення і хіміятэрапіі, захаваць жыццё кожнага пацыента і яе якасць.

Праз мамалагічны цэнтр праходзіць каля 20 чалавек штодня, прычым сярод іх і жанчыны, і мужчыны. Аказваецца, злаякасныя і іншыя наватворы малочнай залозы сустракаюцца і ў прадстаўнікоў моцнай паловы чалавецтва, хоць такое з'ява лічыцца даволі рэдкім.

Пакуль мамалагі прымаюць жыхароў Віцебска, асноўны паток ідзе з гарадскіх паліклінік, з якімі наладжана цеснае супрацоўніцтва. У далейшым чакаецца пашырэнне штата спецыялістаў для прыёму большай колькасці людзей. Акрамя таго, хутка гэтыя і іншыя працэдуры стануць даступныя і для сельскіх жыхароў, якім не абавязкова трэба будзе ехаць у паўночную сталіцу.

Як паведаміў галоўны ўрач абласнога дыягнастычнага цэнтра Уладзімір Арэх, установа плануе набыць перасоўны медыцынскі комплекс, у склад якога ўвойдуць УСІ-апарат, апарат рэнтгенаўскай мамaграфіі, гінекалагічны кабінет, лабараторыя і рэгістратура. Падобная выязная форма працы наладжана ў магілёўскіх калег і добра зарэкамендавала сябе – мноства розных паталогій выяўлялася на ранніх этапах. Спецыялісты будуць выязджаць не толькі ў буйныя гарады рэгіёна, але і ў райцэнтры. Такім чынам, за адзін дзень можна ахапіць абследаваннем абласнога ўзроўню найбольшую колькасць вяскоўцаў.

І гэта не апошнія навінкі, якімі хутка папоўніцца матэрыяльна-тэхнічная база дыягнастычнага цэнтра. З'явіцца сучасны магнітна-рэзанансны тамограф сусветнага ўзроўню. Ён заменіць стары, які калісьці з'яўляўся першым у Віцебскай вобласці. Дыягнастычная магутнасць новага апарата ўтрая большая за ранейшую ўстаноўку, што дае значна палепшанае выява, а значыць, дазваляе зрабіць больш якаснае абследаванне.

Наталля Рыжкова, "Віцебскія весці"