Спартыўныя аб'екты Еўрагульняў у Мінску можна будзе знайсці з дапамогай мабільнага дадатку
Намеснік начальніка ўпраўлення спорту і турызму Мінгарвыканкама Святлана Дзямешка паведаміла, што там будзе прадстаўлена актуальная інфармацыя аб спартыўных падзеях і месцах іх правядзення, кропках грамадскага харчавання, размешчана схема транспартнага абслугоўвання спартсменаў і заўзятараў.
Мабільны дадатак "Мінск-Minsk" – зручны гарадскі даведнік і пуцяводнік для турыстаў, дзе сабраны звесткі аб кафэ, рэстаранах, забаўляльных установах, месцах пражывання, славутасцях, правілах уезду і знаходжання ў краіне, даведачныя нумары тэлефонаў.
Праграма стваралася з мэтай фарміравання камфортнага інфармацыйнага асяроддзя для гасцей і жыхароў, павышэння турыстычнай прывабнасці горада. Чакаецца, што спецыяльны надзел, прысвечаны Еўрагульням, будзе даступны ўжо ў 2018 годзе. Прыезджым будзе лягчэй арыентавацца ў беларускай сталіцы.
Кішэнны гід пакажа, як лепш прайсці да таго ці іншага спартыўнага аб'екта. Таксама плануецца выпусціць буклеты для замежнікаў, турыстам прапануюць скарыстацца "Картай госця Мінска", якая прадугледжвае сістэму скідак на наведванне музеяў, знакавых аб'ектаў, магчыма, спартыўных мерапрыемстваў.
У правядзенні II Еўрапейскіх гульняў будуць задзейнічаны 11 спартыўных аб'ектаў сталіцы, а таксама грэбны канал каля Заслаўя. Цырымонія адкрыцця Еўрагульняў адбудзецца на стадыёне "Дынама".
Па матэрыялах БелТА. Фота з адкрытых крыніц