Сярэдняй школе № 2 Наваполацка прысвоілі званне Ганаровага грамадзяніна горада Яўгеніі Трапезнікавай

Наваполацкай сярэдняй школе № 2 урачыста прысвоена званне Ганаровага грамадзяніна горада Яўгеніі Трапезнікавай. Гасцямі цырымоніі сталі старшыня абласнога Савета дэпутатаў Уладзімір Цярэнтаў, начальнік упраўлення культуры Пётр Падгурскі, начальнік галоўнага ўпраўлення па адукацыі аблвыканкама Дзмітрый Хома, прадстаўнікі кіраўніцтва Наваполацка і іншыя афіцыйныя асобы, а таксама дочкі Яўгеніі Трапезнікавай Любоў і Надзея.

Выкладчыца рускай мовы і літаратуры Яўгенія Трапезнікава вяла вялікую работу па ўшанаванні памяці абаронцаў Айчыны. Яна заснавала ў школе Народны музей баявой славы, клуб «Разведчыкі воінскай славы», удзельнічала ў міжнародных «Вахтах памяці» і пошукавых экспедыцыях, арганізоўвала паходы па месцах баёў партызанскай брыгады ў Верхнядзвінскім, Расонскім, Полацкім раёнах, удзельнічала ў сустрэчах партызан ля Кургана Дружбы. Шмат гадоў была членам Каардынацыйнага савета абласнога гісторыка-патрыятычнага аб'яднання «Пошук».
– Сёння сапраўды важная падзея. Традыцыйна мы прысвойваем школам імёны герояў мінулых гадоў, якія гераічна загінулі, а Яўгенія Трапезнікава – чалавек нашага часу, яе ў Наваполацку добра ведаюць, памятаюць і шануюць, – адзначыў Уладзімір Цярэнтаў. – Яна выгадавала цэлую галерэю вучняў, якія працягваюць яе справу.
Шмат у чым дзякуючы працы Яўгеніі Трапезнікавай і яе юных выхаванцаў па ўсталяванні імёнаў загінуўшых і прапаўшых без вестак у гады Вялікай Айчыннай вайны былі адноўлены з небыцця імёны многіх загінуўшых байцоў. А Наваполацкая СШ № 2 адной з першых у краіне атрымала ганаровы статус «Школа міру».
Дзейнасць Яўгеніі Трапезнікавай была высока ацэнена: яна ўзнагароджана нагруднымі знакамі «За актыўны пошук» і медалём «За заслугі ва ўшанаванні памяці загінуўшых абаронцаў Айчыны» Мінабароны Расіі і нагрудным знакам Мінабароны Беларусі «За актыўны пошук». Настаўніца вядомая і як пісьменніца, яна напісала тры кнігі – «Партызанскімі сцежкамі», «Мы шукаем на зямлі равеснікаў сляды…», «Калі б камяні маглі гаварыць».
Вучні СШ № 2 шануюць традыцыі, закладзеныя ёю пры падтрымцы ГА «Беларускі фонд міру». У дзень прысваення школе яе імя юныя м

Міратворцы ўрачыста паабяцалі быць патрыётамі свайго горада і сваёй краіны.

Фота Таццяны Салаўёвай.