Стартаваў рэспубліканскі конкурс у галіне энергаэфектыўнасці і рэсурсазберажэння «Лідэр энергаэфектыўнасці»

У межах конкурсу будзе праводзіцца незалежная ацэнка прадстаўленай прадукцыі. Экспертызы правядуць спецыялісты вядучых навукова-даследчых галіновых ведамстваў і ўстаноў. Так, спажыўцы змогуць даведацца пра лепшыя энергаэфектыўныя прадукты, якія ўжываюцца ў Беларусі. Больш падрабязна пра конкурс і пра тое, як прыняць удзел, можна даведацца тут.

У якасці арганізатараў конкурсу выступаюць Дэпартамент па энергаэфектыўнасці Дзяржаўнага камітэта па стандартызацыі, РУП «БЕЛТЭІ», інстытут энергетыкі Нацыянальнай акадэміі навук Беларусі і Цэнтр падтрымкі прадпрымальніцтва «Дзелавыя медыя». Пад эгідай Дэпартамента па энергаэфектыўнасці Дзяржаўнага камітэта па стандартызацыі Рэспублікі Беларусь.


Усяго пераможцаў выберуць у трох намінацыях:

• Намінацыя «Энергаэфектыўны прадукт года». У гэтай намінацыі разглядаюцца вырабы, матэрыялы і абсталяванне, выкарыстанне якіх забяспечвае зніжэнне энергаспажывання.
• Намінацыя «Энергаэфектыўная тэхналогія года». У намінацыі разглядаюцца энергаэфектыўныя механізмы, сістэмы і рашэнні.
• Намінацыя «Энергаэфектыўны будынак года». У намінацыі разглядаюцца жылыя шматкватэрныя будынкі і індывідуальныя жылыя дамы па цеплаэнергетычных характарыстыках і паказчыках удзельнага расходу цеплавой энергіі на ацяпленне і вентыляцыю.

Фактычнымі данымі для параўнання з'яўляюцца паказчыкі, якія ўтрымліваюцца ў пратаколах выпрабаванняў, што прадастаўляюць удзельнікі. Указаныя дакументы павінны быць выдадзены акрэдытаванымі лабараторыямі і выпрабавальнымі цэнтрамі Беларусі.