Будаўніцтва новага Палаца шлюбаў плануюць пачаць у Віцебску сёлета

У інвестыцыйную праграму Віцебска на 2017 год уключаны аб'ект, з'яўлення якога даўно чакаюць гараджане: Палац шлюбаразводаў.

Вылучаемая на ўзвядзенне яго сума будзе вызначана ў бліжэйшы час, а карэкціроўкай праекта з мэтай памяншэння аб'ёмаў будаўніцтва зараз займаюцца распрацоўшчыкі — інстытут «Віцебскграмадзянпраект». Паколькі будынак размесціцца ў цэнтры горада, на плошчы Тысячагоддзя, у акрузе якой ужо маецца разгалінаваная інфраструктура, вырашана адмовіцца ад раней планаваных спадарожных памяшканняў у Палацы шлюбаразводаў — кафэ, крам і гэтак далей, ад чаго значнасць аб'екта не зменшыцца. Пачатак будаўніча-мантажных работ таксама чакаецца ў гэтым годзе, які, як вядома, праходзіць пад знакам 100-гадовага юбілею з часу ўтварэння органаў ЗАГС Беларусі.

Прыняць удзел ва ўзвядзенні Палаца шлюбаразводаў могуць усе неабыякавыя грамадзяне, а таксама прадпрыемствы і арганізацыі. У гарадскога прадпрыемства ЖКГ адкрыты дабрачынны рахунак для назапашвання спонсарскай дапамогі.

Наталля ДРОЗДОВА, «Віцьбічы».