Будаўніцтва трох буйных аб'ектаў Віцебскай бройлернай птушкафабрыкі завершыцца да канца 2021 года

Семь буйных інвестыцыйных праектаў Віцебскай бройлернай птушкафабрыкі (усяго па вобласці 17) увайшлі ў Дзяржаўную праграму «Аграрны бізнес» на 2021–2025 гады. На якой стадыі рэалізацыі яны знаходзяцца і з чым даводзіцца сутыкацца? Пра гэта ішла зацікаўленая размова на нядаўнім семінары з удзелам старшыні аблвыканкама Мікалая Шэрстнёва і міністра энергетыкі Беларусі Віктара Каранкевіча.

Птушкафабрыка будуе адначасова тры буйныя аб'екты: цэх забою і перапрацоўкі птушкі; бройлерны цэх №3 (пляцоўка №1, дзе размесцяцца 14 птушнікаў па вырошчванні мяса бройлераў (у кожным – па 48 тыс. галоў); участак забою і перапрацоўкі буйной рагатай жывёлы паблізу населенага пункта Тригубцы. Намеснік генеральнага дырэктара птушкафабрыкі па будаўніцтве Ігар Вечароў акцэнтаваў увагу на тым, што гэтыя аб'екты будуць здадзены ў строй да канца года (з запланаваных 14 птушнікаў запрацуе 10).

Генеральны дырэктар птушкафабрыкі Ганна Норкус запрасіла кіраўніка вобласці і кіраўніка міністэрства невыпадкова. Справа ў тым, што будаўніцтва і ўвод у строй гэтых магутных, энергаёмістых аб'ектаў запатрабуюць мадэрнізацыі падстанцыі паблізу населенага пункта Верх'е, якая знаходзіцца ў веданні РУП «Віцебскэнерга». Без кіраўніцтва вобласці і профільнага міністэрства немагчыма ўвязаць і ўзгадніць усе пытанні па мадэрнізацыі, якая будзе весціся за кошт сродкаў фабрыкі.

Варта нагадаць, што ў стадыі падрыхтоўчых работ знаходзяцца яшчэ чатыры інвестыцыйныя праекты: рэканструкцыя лініі сушкі і сартавання насення паблізу аграгарадка Янавічы (павінны завяршыць у снежні); бройлерны цэх №3 (пляцоўка №2) са тэрмінамі здачы ў 2022-м; завяршэнне рэканструкцыі камбікормавай вытворчасці ў 2024-м; рэканструкцыя цэха забою і перапрацоўкі птушкі №2 (падцэха гатовай прадукцыі) з уводам у строй у 2024 годзе.

Гэтыя аб'екты запатрабуюць таксама мадэрнізацыі іншай падстанцыі, размешчанай паблізу населенага пункта Курына, падкрэсліў Ігар Вечароў.

"Віцебскія весці".