У першы дзень новага навучальнага года дзятва, студэнты і дарослыя жыхары Віцебска атрымалі значны падарунак.
У скверы сабраліся сотні гараджан ад малога да вялікага.
Дзеці неадкладна апрабавалі новыя гульнявыя комплексы, уладкаваныя на спецыяльным процітраўматычным пакрыцці.
На вулічным кінатэатры ідзе першы паказ фільма, працуе зона фуд-корта.
З наступленнем цемры сквер асвеціць ілюмінацыя.
- Пілотную эксперыментальную ініцыятыву прапанавалі студэнты віцебскіх ВНУ, - адзначыў старшыня аблвыканкама Аляксандр Субоцін, які прыняў удзел у цырымоніі пераразання сімвалічнай чырвонай стужкі. - Яны ўсё спраектавалі, а горад увасобіў у жыццё. Калі такі аб'ект прыжывецца ў гэтай лакацыі, будзем будаваць падобнае каля іншых устаноў адукацыі, у іншых частках горада - каб ён станавіўся ўтульней і прыгажэй.
"Віцебскія весці"
