Студэнцкім атрадам Віцебскай вобласці ўрачыста ўручылі пуцёўкі ў працоўнае лета – 2022
У межах мерапрыемства адбыўся адкрыты дыялог з удзелам кіраўніцтва вобласці аб развіцці студатрадаўскага руху Віцебшчыны.
– Моладзь з’яўляецца рухавіком і будучыняй дзяржавы, – адзначыў старшыня аблвыканкама Аляксандр Субоцін. – Студатрадаўскі рух уносіць годнае ўкладанне ў развіццё краіны, і гэта пацвярджаецца справамі.
Па словах памочніка Прэзідэнта – інспектара па Віцебскай вобласці Анатоля Ліневіча, студатрады – гэта ў першую чаргу зносіны, новыя мэты, першыя прафесійныя навыкі, разуменне таго, што ўсе мы – адзіныя. Для развіцця дзяржавы важна, каб моладзь была гатова працаваць на дабро і росквіт роднай краіны.
– Пытанне працоўнай занятасці было актуальна заўсёды. Органы ўлады ўсведамляюць важнасць праблемы працаўладкавання моладзі, аказваюць дапамогу і падтрымку студатрадам. Байцы працуюць на сельскагаспадарчых, вытворчых, будаўнічых і іншых атрадах Беларусі і Расіі. Моладзь нашай вобласці штогод прымае ўдзел у будаўніцтве сацыяльна-значных аб’ектаў краіны, – падкрэсліў намеснік старшыні аблвыканкама Вячаслаў Дурноў. – Так, аб’ектамі абласной маладзёжнай будоўлі сёлета абвешчаны: рэканструкцыя корпуса кадэцкага вучылішча ў Полацку, будаўніцтва палігона бытавых адходаў у Оршы. Аб’ектам маладзёжнай увагі стане працоўны педагагічны праект на базе дзіцячага аздараўленчага лагера, які ўпершыню будзе рэалізаваны на тэрыторыі вобласці.
Напутлівыя словы байцам студатрадаў адрасавала начальнік галоўнага ўпраўлення ідэалагічнай работы і па справах моладзі аблвыканкама Марына Новіцкая.
– Маладосць – свой галоўны бонус выкарыстоўвайце на 100%. Зараджайце ідэяй усіх хлопцаў, якія знаходзяцца побач з вамі, тады студатрадаўскі рух будзе ўпэўнена прасоўвацца наперад, – сказала Марына Новіцкая. – Няхай гэта лета стане для вас тым часам, калі вы зможаце завесці новыя знаёмствы, набыць карысныя навыкі. Думайце, марайце, натхняйцеся, не бойцеся працы, улюбляйцеся і вяртайцеся да вучобы з выдатным настроем!
Як адзначыў першы сакратар абласнога камітэта БРСМ Уладзімір Бабічаў, для працаўладкавання навучэнскай моладзі БРСМ прадастаўляе шырокія магчымасці, у тым ліку і за мяжой. Так, сёлета ўлетку плануюць працаўладкаваць больш за 5 тыс. чалавек.
Дарэчы. Арганізатарамі мерапрыемства выступаюць Віцебскі абласны камітэт БРСМ, а таксама галоўнае ўпраўленне ідэалагічнай работы і па справах моладзі аблвыканкама.
Ганаровыя госці абласнога ўрачыстага адкрыцця і ўручэння пуцёвак у працоўнае лета - 2022 далучыліся да закладкі Алеі студэнцкіх атрадаў.