Студэнта года Віцебшчыны назавуць 16 кастрычніка

У гэты раз самае яркае студэнцкае шоў у горадзе адбудзецца на базе Віцебскага дзяржаўнага тэхналагічнага ўніверсітэта. Дарэчы, менавіта студэнтка гэтага ВНУ - будучы менеджэр, аўтар дабрачыннага праекта для дзяцей-сірот, удзельнік валанцёрскага атрада і тройчы стыпендыят Спецыяльнага фонду Прэзідэнта Беларусі Валерыя Насікан – прадстаўляла вобласць у фінале конкурсу «Студэнт года» ў Мінску.

Сёлета конкурсныя выпрабаванні для прадстаўнікоў пяці ВНУ вобласці не будуць кардынальна адрознівацца ад леташніх. Хлопцы і дзяўчаты пазмагаюцца за права называцца лепшымі ў конкурсах «Партфоліо», «Візітная картка», «Конкурс аратарскага майстэрства», «Абарона праектаў», «Спартыўны МІКС», «Творчы нумар».

Самы яркі прадстаўнік студэнцкай моладзі Віцебшчыны будзе названы ў гэты ж дзень. Але галоўнае, усе прысутныя змогуць атрымаць велізарны зарад пазітыву ад свята, якое штогод дораць віцяблянам лепшыя студэнты горада.

Вікторыя Дашкевіч, provitebsk.by