Студэнцкія атрады Віцебскай вобласці атрымаюць сваю сімволіку

8 лютага, Віцебск /Вольга Багачова - БЕЛТА/. Студэнцкія атрады Віцебскай вобласці набудуць сваю сімволіку, паведамілі карэспандэнту БЕЛТА ў Віцебскім абласным камітэце БРСМ. Штогод студатрадаўскі рух аб'ядноўвае ў Беларусі вялікую колькасць маладых людзей. Так, толькі ў Віцебскай вобласці мінулым летам было арганізавана 104 атрады агульнай колькасцю 12,3 тыс. чалавек. Юнакі і дзяўчаты працавалі ў будаўнічых, сэрвісных, экалагічных, валанцёрскіх, педагагічных атрадах. У цяперашні час у рэгіёне зноў пачалося фарміраванне атрадаў на цяперашні летні працоўны семестр. Каб надаць імпульс гэтай працы, прыцягнуць увагу рабят да студатрадаўскага руху і павысіць іх зацікаўленасць, абласны камітэт БРСМ аб'яўляе конкурс на лепшую сімволіку профільных атрадаў. Свае прапановы на конкурс маладыя людзі могуць накіроўваць на працягу лютага-сакавіка ў гарадскія і раённыя камітэты БРСМ. Пры падвядзенні вынікаў журы будзе ацэньваць адпаведнасць работ профілю атрада, арыгінальнасць творчага ўвасаблення ідэі і прастату тыражавання. Пераможцы конкурсу будуць адзначаны каштоўнымі прызамі. -0-