Судовыя выканаўцы Беларусі атрымалі магчымасць адключаць даўжнікоў ад інтэрнэту і сотавай сувязі

Судовыя выканаўцы Беларусі атрымалі магчымасць адключаць даўжнікоў ад інтэрнэту і сотавай сувязі. Пра гэта сёння паведаміў журналістам першы намеснік міністра юстыцыі Беларусі Валерый Кулакоўскі на прэс-канферэнцыі "Аб рабоце органаў прымусовага выканання", якая адбылася ў Нацыянальным прэс-цэнтры, перадае карэспандэнт БЕЛТА.

"У цяперашні час мы можам праверыць па базах, калі ў даўжніка мабільны тэлефон, і ў выпадку неабходнасці ўвесці забарону на аказанне адпаведных паслуг аператарам сотавай сувязі, у тым ліку арыштаваць і спісаць усе грошы, якія ёсць на рахунку", - сказаў Валерый Кулакоўскі.

Першы намеснік міністра юстыцыі адзначыў, што аналагічная практыка распаўсюджваецца і на грамадзян, якія маюць запазычанасці і карыстаюцца паслугамі інтэрнэт-правайдэраў. "Большасць людзей ужо не ўяўляюць свайго жыцця без інтэрнэту. Судовыя выканаўцы маюць тэхнічную і заканадаўчую магчымасць увесці забарону на прадастаўленне паслуг інтэрнэту для даўжнікоў. У адрозненне ад кампаній сотавай сувязі, паслугі якіх мы можам абмежаваць аўтаматызавана, дагаворы фізічных асоб з інтэрнэт-правайдарам прыпыняюцца па нашых папяровых запытах, аднак праца па стварэнні электроннай базы дагавораў ужо вядзецца", - заключыў Валерый Кулакоўскі.