Свежыя ідэі для бізнесу: МТС абвясціў аб рэгістрацыі на Хакатон, у якім могуць удзельнічаць студэнты беларускіх ВНУ
Рэгістрацыя будзе адкрыта з 26 верасня 2023 г. да 10 кастрычніка 2023 г. на старонцы mtshackathon.by, дзе таксама размешчана важная інфармацыя па ўмовах удзелу і тэхзаданні. Падаваць заяўкі могуць студэнты, магістранты і аспіранты. Пасля рэгістрацыі ўдзельнікі будуць сфарміраваны ў каманды, якія прыступяць да працы над пастаўленай задачай.
Кампанія МТС пастаянна паляпшае паслугі і сэрвісы, якія прадастаўляюцца кліентам, таму будзе рада ідэям і прапановам па пашырэнні магчымасцей для здзяйснення анлайн-пакупак з дапамогай прыкладання «Мой МТС», у тым ліку ў інтэрнэт-краме МТС.
Прэтэндэнтам варта ўважліва азнаёміцца з тэхзаданнем Хакатона. Яны павінны валодаць маркетынгавымі навыкамі, каб аналізаваць рынак, канкурэнтаў, а таксама ведамі тэхнічнай экспертызы, каб распрацаваць уласную канцэпцыю для вырашэння бізнес-задачы.
Хакатон будзе складацца з некалькіх этапаў: самастойнай працы каманд, а таксама адукацыйнай праграмы, падчас якой студэнтам прачытаюць лекцыі спецыялісты МТС, запрошаныя эксперты і ментары. Каманды пройдуць прамежкавы адбор, а затым прадставяць свае праекты ў фармаце пітчаў. У фінале экспертнае журы вызначыць каманду-пераможцу Хакатона.
Прыз у 5 тысяч беларускіх рублёў атрымае тая каманда, якая прадставіць найбольш прыдатную пад крытэрыі МТС ідэю, канцэпцыю або іншы прадукт. Фінал Хакатона адбудзецца 13 кастрычніка 2023 г.
СААТ «МАБІЛЬНЫЯ ТЕЛЕСІСТЭМЫ». УНП 800013732.