Звыш 170 чыноўнікаў пакараны за парушэнне парадку разгляду зваротаў грамадзян у Віцебскай вобласці

Больш за 170 службовых асоб прыцягнуты да адказнасці за парушэнне парадку разгляду зваротаў грамадзян і юрыдычных асоб у Віцебскай вобласці ў 2012 годзе, паведамілі карэспандэнту БЕЛТА ў аддзеле па рабоце са зваротамі грамадзян і юрыдычных асоб Віцебскага аблвыканкама.

Па ўстаноўленых у ходзе разгляду зваротаў парушэннях аблвыканкамам накіраваны 22 прадстаўленні аб прыцягненні да адказнасці вінаватых у парушэннях парадку разгляду зваротаў грамадзян і юрыдычных асоб, заканадаўства аб зваротах грамадзян Віцебскаму, Наваполацкаму, Аршанскаму, Полацкаму гарвыканкамам, Віцебскаму райвыканкаму. За дапушчаныя парушэнні 173 службовыя асобы выканаўчых і распарадчых органаў вобласці прыцягнуты да дысцыплінарнай адказнасці, два - да адміністрацыйнай.

Акрамя таго, у вобласці прыцягнуты да адказнасці вінаватыя па выніках маніторынгу работы дзяржда органаў і арганізацый вобласці з насельніцтвам, праведзенага летась міждзяржаўнай рабочай групай, створанай па даручэнні Прэзідэнта. За выяўленыя ў ходзе маніторынгу парушэнні і недахопы прыцягнуты да дысцыплінарнай адказнасці 6 службовых асоб райвыканкамаў, 17 службовых асоб арганізацый. Праблемныя пытанні, што ўзніклі падчас маніторынгу, узяты на кантроль аблвыканкамам.