Талачынскі кансервавы завод асвоіў вытворчасць фруктова-ягадных він па хатнім рэцэпце

11 мая, Віцебск /Вольга Багачова - БЕЛТА/. РУП "Талачынскі кансервавы завод" асвоіла вытворчасць фруктова-ягадных він, паведамілі карэспандэнту БЕЛТА на прадпрыемстве. Агрэставае, чырвонасмародыннае, чорнасмародыннае і малінавае віны вырабляюцца фактычна па хатнім рэцэпце: свежыя падсалоджаныя сокі праходзяць працяглы перыяд браджэння без дадання спірту. Фрукты і ягады для іх вытворчасці выкарыстоўваюцца з уласнага саду завода, плошча якога займае 492 га. Першапачаткова плануецца выпусціць 10 тыс. дал новай прадукцыі. Затым, па ацэнцы попыту, аб'ём вытворчасці фруктова-ягадных він плануецца павялічыць. У студзені-красавіку прадпрыемства вырабіла прадукцыі на Br5,8 млрд., што складае 88,5% да ўзроўню мінулага года. Рэнтабельнасць рэалізацыі склала 8,3%. Зніжэнне вытворчасці звязана перш за ўсё са скарачэннем выпуску алкагольнай прадукцыі, удзельная вага якой у агульным аб'ёме вытворчасці займае 88%. Усяго за чатыры месяцы гэтага года было выпушчана 211 тыс. дал віна супраць 254 тыс. дал у адпаведным перыядзе 2008 года, растлумачылі на прадпрыемстве. Разам з тым у студзені-красавіку ў параўнанні з аналагічным перыядам мінулага года вытворчасць бульбянога крухмалу вырасла на 60,1% да 341 т. Акрамя таго, завод для асваення новых відаў прадукцыі больш чым у паўтара раза да 1,7 тыс. га пашырыў у сваіх сельгаспрадпрыемствах клін збожжавых. Талачынскі кансервавы завод спецыялізуецца на вытворчасці пладовых він, бульбянога крухмалу, макаронных вырабаў.-0-